| e-texts navigator |
| Wylie |
433a1 རྣམས་ཀྱི་གོས་ཀྱི་རྒྱན་ཏེ། ཤེས་རབ་ཡོངས་སུ་རྫོགས་པར་འགྱུར་རོ། །སློབ་དཔོན་གྱི་དཔེ་མཁྱུད་མེད་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།
433a2 ཆགས་པ་མེད་པའི་ཡེ་ཤེས་ཡོངས་སུ་རྫོགས་པར་འགྱུར་རོ། །ནོར་ཐམས་ཅད་ཡོངས་སུ་གཏོང་བ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། མཚན་དང་དཔེ་བྱད་བཟང
433a3 པོ་ཡོངས་སུ་རྫོགས་པར་འགྱུར་རོ། །ཚུལ་ཁྲིམས་ཡོངས་སུ་དག་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། སྨོན་ལམ་ཡོངས་སུ་རྫོགས་པར་འགྱུར་རོ། །བཟོད་པ་དང
433a4 དེས་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཚངས་པའི་དབྱངས་ཀྱི་ང་རོ་དང་། སྒྲ་སྐད་ལྟ་བུའི་ཚིག་ཏུ་འགྱུར་རོ། །དམ་བཅས་པ་བརྟན་ཞིང་སེམས་མི་ཞུམ་པ་ནི།
433a5 བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། བྱ་བ་ཐམས་ཅད་ཡོངས་སུ་རྫོགས་པར་འགྱུར་རོ། །བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར
433a6 འཇུག་པ་ཐོབ་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། མངོན་པར་ཤེས་པ་ཆེན་པོའི་ཡེ་ཤེས་ཡོངས་སུ་རྫོགས་པར་འགྱུར་རོ། །ཚིག་རབ་ཏུ་དབྱེ་བ་ཤེས་པའི་ཤེས
433a7 རབ་ནི|་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། བག་ལ་ཉལ་དང་། ལྟ་བར་སྨྲ་བ་དང་། ཀུན་ནས་ལྡང་བ་ཐམས་ཅད་རྣམ་པར་སེལ་བར་འགྱུར་རོ། །སྙིང་རྗེ་ཆེན་པོ་ནི།
iiif viewer powered by OpenSeadragon
