| e-texts navigator |
| Wylie |
432b1 སྣང་བ་བསམ་གྱིས་མི་ཁྱབ་པས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་།བྱང་ཆུབ་སེམས་དཔའ་རྣམས་ནི། གོས་ཀྱི་རྒྱན་བགོས་པས་མཛེས་པ་མ་ཡིན་གྱི། བྱང་ཆུབ
432b2 སེམས་དཔའ་རྣམས་ནི། ཆོས་ཀྱི་རྒྱན་ཐོགས་ན་མཛེས་སོ། །ཀཽ་ཤི་ཀ་།དེ་ལྟ་མོད་ཀྱི། འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གོས་ཀྱི་རྒྱན་གང་དག་ཡིན་པ་དེ་དག
432b3 ཉོན་ཅིག་། བྱང་ཆུབ་ཀྱི་སེམས་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། བྱང་ཆུབ་ཀྱི་སྙིང་པོ་བརྒྱན་པར་འགྱུར་རོ། །ངོ་ཚ་ཤེས་པ་དང་། ཁྲེལ་ཡོད་པའི་རྒྱན་ནི། བྱང་ཆུབ་སེམས
432b4 དཔའ་རྣམས་ཀྱི་གོས་ཀྱི་རྒྱན་ཏེ། སེམས་ཅན་ཐམས་ཅད་མངོན་དུ་འཛིན་པར་འགྱུར་རོ། །དམ་བཅས་པ་བརྟན་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཤེས་རབ་ཡོངས་སུ
432b5 རྫོགས་པར་འགྱུར་རོ། །བསམ་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། སྒྱུ་དང་གཡོ་སེལ་བར་འགྱུར་རོ། །སྦྱོར་བ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ།
432b6 དགེ་བའི་ཆོས་ཐམས་ཅད་ཡོངས་སུ་རྫོགས་པར་འགྱུར་རོ། །ལྷག་པའི་བསམ་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཐམས་ཅད་ལས་ཁྱད་པར་འགྲོ་བར་འགྱུར་རོ། །
432b7 ང་རྒྱལ་མེད་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཡེ་ཤེས་ཡོངས་སུ་རྫོགས་པར་འགྱུར་རོ། །ཆོས་དོན་དུ་གཉེར་བ་དང་། ཆོས་འདོད་པ་ནི། བྱང་ཆུབ་སེམས་དཔའ
iiif viewer powered by OpenSeadragon
