| e-texts navigator |
| Wylie |
432a1 སྟོང་མང་པོ་གཞན་དག་ལའང་ཡང་དག་པར་བསྐུལ་བར་གྱུར་ནས། སྐད་ཅིག་ཐང་གཅིག་ཡུད་ཙམ་དེ་ལ་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས།
432a2 བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལྷའི་མེ་ཏོག་དག་གིས་བཅོམ་ལྡན་འདས་ལ་གཏོར་ནས། བཅོམ་ལྡན་འདས། ཀྱེ་མ་བྱང་ཆུབ་སེམས་དཔའ་འདི་ནི། སྣང་བ
432a3 བསམ་གྱིས་མི་ཁྱབ་པ་སྟེ། འདི་ལྟར་སངས་རྒྱས་ཀྱི་ཞིང་འོད་ཀྱིས་སྣང་བར་བགྱིས་ནས། སེམས་ཅན་དཔག་ཏུ་མ་མཆིས་པ་དག་གི་དོན་བགྱིས་སོ། །ཞེས་ཆེད་དུ་བརྗོད་པ་དེ་སྐད
432a4 ཆེད་དུ་བརྗོད་དེ། དེ་ལྟར་ཁྱེའུ་དེའི་མིང་སྣང་བ་བསམ་གྱིས་མི་ཁྱབ་པ། སྣང་བ་བསམ་གྱིས་མི་ཁྱབ་པ་ཞེས་བྱ་བར་བཏགས་སོ། །བཅོམ་ལྡན་འདས་ཀྱིས་ཀྱང་ཁྱེའུ་འདི་སྣང་བ་བསམ
432a5 གྱིས་མི་ཁྱབ་པ་བྱ་བར་གྱུར་ཅིག་། ཅེས་ཁྱེའུ་དེའི་མིང་ལ་རྗེས་སུ་ཡི་རང་མཛད་དོ། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པ་བར་སྣང་དེ་ལས་བབས་ཏེ། ས་ལ་འདུག་པ་དང་། དེ་སངས
432a6 རྒྱས་ཀྱི་མཐུ་དང་། རང་གི་སྔོན་གྱི་དགེ་བའི་རྩ་བས་འདི་ལྟ་སྟེ། དཔེར་ན། གྲོགས་པོ་ལོ་བརྒྱད་ལོན་པའི་ལུས་གཟུགས་ཡོངས་སུ་གྲུབ་པར་གྱུར་པ་དེ་འདྲ་བར་འདུག་གོ་།དེ་ནས་ལྷའི
432a7 དབང་པོ་བརྒྱ་བྱིན་གྱིས་ཁྱེའུ་དེ་ལ་ལྷའི་རས་བཅོས་བུ་ཟུང་ཞིག་བྱིན་ཏེ། ཀྱེ་ཁྱེའུ། ང་ལ་སྙིང་བརྩེ་བའི་ཕྱིར་རས་བཅོས་བུའི་ཟུང་འདི་གྱོན་ལ་གཅེར་བུར་མ་འདུག་ཅིག་།དེ་ནས་ཁྱེའུ
iiif viewer powered by OpenSeadragon
