| e-texts navigator |
| Wylie |
430b1 འདས་ཀྱིས་བཀའ་སྩལ་པ། ཇི་སྐད་སྨྲས་པ་དེ་བཞིན་ཏེ། །སེམས་ནི་རྟག་ཏུ་འོད་གསལ་ཀྱང་། །གློ་བུར་ཉེ་བའི་ཉོན་མོངས་ཀྱིས། །སོ་སོའི་སྐྱེ་བོ་ཉོན་མོངས་འགྱུར། །ཁྱེའུས་གསོལ་པ།
430b2 ཉོན་མོངས་དམིགས་སུ་མ་མཆིས་ཏེ། །དེ་དག་ཕྱོགས་ན་མི་གནས་ན། །གློ་བུར་དུ་ནི་ཇི་ལྟར་འགྱུར། །དེ་ཞུས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། དཔེར
430b3 ན་སྤྲིན་རྣམས་པར་སྣང་ལ། །སྣང་ཡང་དེ་དག་དེ་བཞིན་མིན། །ཉོན་མོངས་འབྱུང་བའང་དེ་འདྲ་སྟེ། །སྣང་ཡང་དེ་དག་དེ་བཞིན་མིན། །ཁྱེའུས་གསོལ་པ། མ་ནོར་དེ་བཞིན་གང་ལགས་པ། །
430b4 ཆོས་གནས་ཉིད་དེ་ཆོས་ཉིད་དོ། །མ་ནོར་དེ་བཞིན་ཉིད་ཆོས་ལ། །ནོར་བའི་དེ་བཞིན་ཉིད་མི་དམིགས། །བཅོམ་ལྡན་འདས་ཀྱིས་བཀའ་སྩལ་པ། བྱིས་པ་འདུ་ཤེས་ལྡན་རྣམས་ཀྱི། །
430b5 ལོག་པར་རྣམ་པར་གང་བརྟགས་པ། །བློ་དེ་རྟོགས་པར་བྱ་བའི་ཕྱིར། །དེ་བཞིན་གཤེགས་རྣམས་འབྱུང་བ་ཡིན། །ཁྱེའུས་གསོལ་པ། སྐྱེ་མ་མཆིས་པས་རབ་ཕྱེ་བ། །རྫོགས་པའི
430b6 སངས་རྒྱས་གང་ཞིག་བྱུང་། །སྐྱེ་བ་མ་མཆིས་ཆོས་རྣམས་ལ། །སངས་རྒྱས་འབྱུང་བ་འཐད་མ་ལགས། །བཅོམ་ལྡན་འདས་ཀྱིས་བཀའ་སྩལ་པ། སྐྱེ་བ་མེད་པར་སྐྱེ་བ་ནི། །སངས་རྒྱས
430b7 འབྱུང་བ་རབ་ཏུ་བསྟན། །ཀུན་རྫོབ་ཐ་སྙད་བཏགས་པ་སྟེ། །དམ་པའི་དོན་དུ་ཡོད་མ་ཡིན། །ཁྱེའུས་གསོལ་པ། ད་དུང་ཁྱོད་ལ་དོན་དམ་དང་། །ཀུན་རྫོབ་འདུ་ཤེས་གཉིས་མངའ་སྟེ། །ཐེག
iiif viewer powered by OpenSeadragon
