| e-texts navigator |
| Wylie |
430a1 བྱུང་རྣམས་ཀྱིས་བྱིན་བརླབས་སོ། །ཁྱེའུས་གསོལ་པ། དངོས་པོ་གང་ན་མི་དམིགས་པས། །གོ་ཆ་ཐམས་ཅད་རྫུན་པ་ལགས། །དངོས་པོ་མ་མཆིས་ཆོས་རྣམས
430a2 ལ|་|གོ་ཆ་དམིགས་པ་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་རྣམས་དངོས་པོ་ཡོད་མིན་ཡང་། །སྲོག་ཆགས་རྣམས་ལ་ཆོས་སྟོན་འདི། །འཇིག་རྟེན་མགོན་པོ
430a3 སྐྱོབ་རྣམས་ཀྱི། །ཐུགས་རྗེས་རྣམ་པར་རོལ་པ་ཡིན། །ཁྱེའུས་གསོལ་པ། ཆོས་ནི་ཡི་གེ་མ་མཆིས་ན། །བཤད་པ་གུད་ན་ག་ལ་མཆིས། །འཇིག་རྟེན་རྣམས་ལ་སླུ་མཛད་དམ། །ཆོས་མ
430a4 ལགས་པ་ཆོས་བཤད་དམ། །བཅོམ་ལྡན་འདས་ཀྱིས་བཀའ་སྩལ་པ། ང་ནི་འཇིག་རྟེན་སླུ་མ་ཡིན། །ཆོས་མ་ཡིན་པ་ང་མི་སྨྲ། །ཕྱིན་ཅི་ལོག་གྱུར་སེམས་ཅན་གྱི། །ཉོན་མོངས་སེལ
430a5 བར་ང་བྱེད་དོ། །ཁྱེའུས་གསོལ་པ། ཉོན་མོངས་རྩ་བ་མ་མཆིས་ཏེ། །ནང་ངམ་ཕྱི་རོལ་རྣམས་ན་ཡང་། །དེ་དག་རྣམས་ཀྱི་གནས་མ་མཆིས། །ཉོན་མོངས་ཇི་ལྟར་རྣམ་པར་སྦྱང་། །བཅོམ
430a6 ལྡན་འདས་ཀྱིས་བཀའ་སྩལ་པ། ཕྱིན་ཅི་ལོག་ལས་བྱུང་བ་རྣམས། །ཡོངས་སུ་བརྟགས་ལས་སྐྱེས་པ་སྟེ། །རྟོག་པ་ཐམས་ཅད་སྤང་བའི་ཕྱིར། །སྲོག་ཆགས་རྣམས་ལ་ཆོས་སྟོན
430a7 ཏོ|་|ཁྱེའུས་གསོལ་པ། རྣམ་བརྟག་མང་པོ་ཅི་འཚལ་ཏེ། །སེམས་ནི་རང་བཞིན་འོད་གསལ་ཞིང་། །དེ་ལ་ཉོན་མོངས་མི་འབྱུང་སྟེ། །ནམ་ཡང་ཉོན་མོངས་དེ་མི་འགྱུར། །བཅོམ་ལྡན
iiif viewer powered by OpenSeadragon
