| e-texts navigator |
| Wylie |
429b1 ཁང་སྟོང་སྙམ་པ་ཡི། །འདུ་ཤེས་ད་དུང་མངའ་བ་བལྟ། །བྱང་ཆུབ་སྙིང་པོར་ཁྱོད་བཞུགས་ནས། །འདུ་ཤེས་ཡོངས་སུ་མ་མཁྱེན་ཏམ། །བཅོམ་ལྡན་འདས་ཀྱིས་བཀའ་སྩལ་པ། ངས་ནི
429b2 འདུ་ཤེས་ཡོངས་ཤེས་ཏེ། །ང་ལ་འདུ་ཤེས་ཡོད་མ་ཡིན། །ཁྱོད་ཉིད་ལ་ནི་སྙིང་བརྩེ་བས། །ཁང་པ་སྟོང་པ་འདིར་འོངས་སོ། །ཁྱེའུས་གསོལ་པ། སེམས་ཅན་དག་ནི་བར་འགའ་ཡང་། །
429b3 གང་ཚེ་ཤིན་ཏུ་མི་དམིགས་པ། །དེ་ཚེ་ཐུགས་རྗེ་གང་དུ་བྱུང་། །ཁྱོད་ནི་སུ་ལ་ཐུགས་བརྩེ་མཛད། །བཅོམ་ལྡན་འདས་ཀྱིས་བཀའ་སྩལ་པ། བདག་མེད་ཞི་བ་སྟོང་པ་ཉིད། །སེམས་ཅན་འདི
429b4 དག་མི་ཤེས་ཏེ། །དེ་དག་ཉིད་ལ་སྙིང་བརྩེ་ཕྱིར། །བསོད་ནམས་སྤྱད་པ་སྤྱོད་པ་ཡིན། །ཁྱེའུས་གསོལ་པ། སྟོང་པ་ཞི་བ་ཐུགས་ཆུད་ནས། །ཞི་བ་སྟོང་པ་ཉིད་མཁྱེན་ཀྱང་། །དེ་བཞིན་གཤེགས
429b5 པ་ད་དུང་དུ། །ཕྱིན་ཅི་ལོག་ཀྱང་མ་སྤངས་སམ། །བཅོམ་ལྡན་འདས་ཀྱིས་བཀའ་སྩལ་པ། ཞི་བ་སྟོང་པ་ཉིད་རྟོགས་ནས། །སེམས་ཅན་ཡོངས་སུ་སྨིན་བྱའི་ཕྱིར། །འདྲེན་པ་ཆོས་སྟོན་མཛད
429b6 པ་འདི|་|སངས་རྒྱས་རྣམས་ཀྱི་ཐུགས་རྗེ་ཡིན། །ཁྱེའུས་གསོལ་པ། དེ་བཞིན་གཤེགས་པ་ད་དུང་དུ། །ཁྱོད་ཀྱིས་ཕྱིན་ཅི་ལོག་མ་སྤངས། །སེམས་ཅན་འདུ་ཤེས་མ་མཆིས་ན། །ཐུགས་རྗེ
429b7 གང་དུ་སྐྱེ་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་ནི་རབ་བཟུང་ནས། །ཡོད་མིན་སེམས་ཅན་རྣམས་ལ་ཡང་། །མི་མཆོག་རྣམས་ནི་གོ་གྱོན་པ། །རང
iiif viewer powered by OpenSeadragon
