| e-texts navigator |
| Wylie |
429a1 ལ་ལྟ་བ་ཞིག་མཆིས་སོ། །དེ་ནས་བཅོམ་ལྡན་འདས་ཀྱིས་ཀྱེ་མ་ཁྱེའུ་འདི་ནི། སྔོན་གྱི་སྦྱོར་བ་ཕུན་སུམ་ཚོགས་པ་སྟེ། ངའི་ལེགས་པར་བཤད་པའི་དོན་ཤེས
429a2 པར་ནུས་ཤིང་། སྐལ་བ་ཅན་ནོ། །སྙམ་ནས་ཁྱེའུ་དེ་ལ་ཐུགས་བརྩེ་བ་དང་། སྐྱེ་བོ་ཕལ་པོ་ཆེ་དགེ་བ་ལ་གཟུད་པའི་ཕྱིར་ཁང་སྟོང་ག་ལ་བ་དེར་གཤེགས་སོ། །དེ་ནས་བཅོམ་ལྡན
429a3 འདས་དེར་གཤེགས་ནས་ཕྱོགས་གཅིག་ཏུ་བཞུགས་ཏེ་ཕྱོགས་གཅིག་ཏུ་བཞུགས་ནས་ཁྱེའུ་དེ་ལ་ཚིགས་སུ་བཅད་དེ་བཀའ་སྩལ་པ། སྤྲུལ་དང་གནོད་སྦྱིན་རྒྱུ་བ་ཡིས། །དུར་ཁྲོད
429a4 འཇིགས་པ་ཆེ་འདི་ན། །བྱིས་པ་ཇི་ལྟར་མི་འཇིགས་ཤིང་། །ཁྱོད་ད་གཅིག་པུ་འདི་ན་འདུག་།དེ་ནས་ཁྱེའུ་དེས་སངས་རྒྱས་ཀྱི་མཐུ་དང་། རང་གི་སྔོན་གྱི་དགེ་བའི་རྩ་བས་བཅོམ་ལྡན་འདས
429a5 ལ་སླར་ཚིགས་སུ་བཅད་དེ་གསོལ་པ། བདག་མ་མཆིས་པའི་ཆོས་རྣམས་ལ། །ཐུབ་པའི་དབང་ཕྱུག་སུ་ཞིག་འཇིགས། །ཐམས་ཅད་མཁྱེན་པ་སྨྲ་བའི་མཆོག་།ཇི་ལྟར་འདིར་མཆིས་ལས
429a6 གང་ལགས། །བདག་གཅིག་བདག་གིས་གང་མ་མཆིས། །བདག་ཀྱང་གང་གིའང་མ་ལགས་ཏེ། །བདག་ནི་སུའི་ལགས་དེ་མ་མཐོང་། །བདག་གི་སུ་ལགས་དེ་མ་མཐོང་། །བཅོམ་ལྡན་འདས
429a7 ཀྱིས་བཀའ་སྩལ་པ། སྔོན་ཆད་སྡིག་པ་བྱས་པའི་ལས། །དེ་ཡི་རྣམ་སྨིན་འདི་འདྲ་སྟེ། །ཁང་བ་སྟོང་པ་འདིར་པོར་ནས། །སྡུག་བསྔལ་ཚོར་བ་མྱོང་བ་ཡིན། །ཁྱེའུས་གསོལ་པ། གཽ་ཏམ
iiif viewer powered by OpenSeadragon
