| e-texts navigator |
| Wylie |
421b1 ཚོར་བར་བྱེད། །ལུས་ཀྱིས་སུ་ནི་ཤ་གཉིས་པོ། །དགའ་བར་ཡང་ནི་བསྒྲུབས་པ་ལས། །སེམས་པ་མེད་པའི་ལུས་འདི་སྐྱེས། །དེ་ལ་དགའ་བ་སུ་ཞིག་རྙེད། །དེ་ན་བདག་རྐང་དགའ་བྱེད
421b2 པ|་|ལྷམ་ནི་རབ་ཏུ་བཟང་གྱོན་ཡང་། །འཆི་བར་འགྱུར་ཚེ་གོས་རྣམས་དང་། །བྱུག་པ་སྐྱབས་སུ་མི་འགྱུར་ཏེ། །ལུས་ཀྱང་སྐྱབས་སུ་འགྱུར་མིན་ན། །གོས་དང་བྱུག་པ་སྨོས་ཅི་དགོས། །མི
421b3 ཞེས་བྱ་བ་ལུས་ཡིན་ཏེ། །དབུགས་དང་སྟོབས་ཆེན་རྙེད་པར་འགྱུར། །སོ་སོར་རྟོག་པའི་རྣ་བའི་སྟོབས། །དེ་ནི་ལུས་ལ་ཡོན་ཏན་ཆེ། །སྔོན་ཆང་རྟ་དང་གླང་པོ་ཡིས། །ཀུན་ཏུ་བསྐོར་ནས་རྩེ
421b4 ཞིང་འཁྱམས། །ཐར་པའི་ཆོས་ནི་མ་སྟེར་བས། །བདག་ཅི་སྡིག་པའི་ལས་ལ་ཆགས། །འཇིག་རྟེན་ཕ་རོལ་མ་ཤེས་ནས། །རྩེ་བས་སྡིག་པ་བྱེད་དུ་བཅུག་།བདག་ནི་ཡང་དང་ཡང་སྐྱེས་ཏེ། །ཤི
421b5 བ་བདག་ལ་ཡང་འོངས་སོ། །ཡང་དང་ཡང་དུ་མྱ་ངན་མཐོང་། །སྨྲེ་སྔགས་འདོན་པས་རབ་ཏུ་བཅིངས། །མ་རྣམས་ཀྱང་ནི་ཤི་བ་མཐོང་། །ཕ་རྣམས་ཤི་དང་གཉེན་དག་དང་། །སྲིང་མོ་དང་ནི
421b6 བུ་དག་དང་། །ཆུང་མ་རྣམས་ཀྱང་ཤི་བ་མཐོང་། །མངོན་པར་འདུ་བྱེད་ཀུན་སྟོང་ན། །སེམས་དང་བཅས་པ་སུ་ཞིག་ཆགས། །འདོད་པས་ཟིན་པའི་སེམས་ཀྱིས་སུ། །བདག་གིས་ཡིད་བརྟན་རུང
421b7 བར་ཤེས། །ཞི་བའི་ཆོས་ནི་མི་དམིགས་ཏེ། །འཆི་བ་ལ་ནི་མངོན་དགའ་མེད། །དེ་ཕྱིར་འདོད་པས་བསྒྲིབས་སེམས་ཀྱིས། །བདག་གིས་སྦྱིན་པ་མ་བྱིན་ནོ། །དེ་བས་འདོད་དང་མཉམ་སྡིག་མེད།།
iiif viewer powered by OpenSeadragon
