| e-texts navigator |
| Wylie |
352b1 འདུ་བར་འགྱུར། །བཅོམ་ལྡན་འདས་ཀྱིས་འོད་སྲུང་བཀའ་སྩལ་པ། །ཆོས་ཀྱི་ཚུལ་ནི་འཛིན་པར་མི་ནུས་པར། །འོད་སྲུང་དེ་ནི་ང་ཡིས་སྔ་ནས་ཤེས། །མདོ་སྡེ་དེ་འདྲ་དེ་ནི་གང་འཛིན
352b2 པ|་|ང་ཡི་ཉན་ཐོས་གང་ཡང་འདི་ན་མེད། །གང་དག་མདོ་སྡེ་དེ་འདྲ་དེ་འཛིན་པ། །ང་ཡིས་གང་དག་བྱིན་བརླབས་དེར་མ་གཏོགས། །གང་དག་ཕྱི་ནས་ཐེ་ཚོམ་མེད་འགྱུར་བ། །དེ་དག་ཐེ
352b3 ཚོམ་དེ་ནི་ང་ཡིས་བཅད། །གཞན་དག་ལས་ནི་མཐུ་ཆེ་གང་ཡིན་པ། །མདོ་སྡེ་དེ་ལ་ཅི་ཕྱིར་སྔོན་མ་སྤྱད། །དེ་དག་འཛིན་པའི་དགེ་སློང་གསར་བུ་གཞོན། །མདོ་སྡེ་དེ་དག་རྒྱས་པ་ཆེན་པོ
352b4 ཡིན|་|གང་དག་ཆོས་དེ་འདྲ་བ་དེ་མི་འཛིན། །འདི་ལ་ཇི་ལྟར་ཕ་རོལ་ཕྱིན་པར་འགྱུར། །བརྟན་པའི་བློ་གྲོས་ང་ཡིས་བསྟན་པ་ན། །གང་དག་གིས་ནི་དེ་རིང་ང་མཐོང་འགྱུར། །དེ་དག་ཕྱི
352b5 དུས་འཇིགས་པ་ཆེན་པོའི་ཚེ། །ཆོས་དེ་ཐོས་ནས་དགའ་བ་ཐོབ་པར་འགྱུར། །ང་ནི་དམིགས་པ་འབའ་ཞིག་འཆད་པ་ཡིན། །འཇིགས་མེད་ང་ཡི་ཚིག་དེར་དད་པར་བྱོས། །གང་གི་འདི་ན་སྟོན
352b6 པ་མཐོང་གྱུར་པ། །དེ་དག་ཆོས་དེ་འཛིན་པར་སྤྲོ་བར་འགྱུར། །ཡེ་ཤེས་དེ་འདྲ་དེ་ནི་ཚོལ་བྱེད་ཅིང་། །དེ་ཚེ་འདྲེན་པ་རྣམས་ལ་མཆོད་པར་བྱེད། །རིང་བསྲེལ་མཆོད་དང་དེ་བཞིན་མཆོད་རྟེན
352b7 མཆོད|་|འཇིགས་མེད་དེ་དག་དེར་ནི་བྱེད་པར་འགྱུར། །ཡོངས་སུ་གཏད་པ་ཕན་ཡོན་གྱི་ལེའུ་སྟེ། བཅོ་ལྔ་པའོ།། །།དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ནས
iiif viewer powered by OpenSeadragon
