| e-texts navigator |
| Wylie |
352a1 རྗེས་སུ་བསྟན་ལ་གནས་མི་འགྱུར། །བདག་ཅག་འདི་ནི་མཁས་ཤིང་དོན་སེམས་སྙམ། །སྙན་དངགས་འཇིག་རྟེན་རྒྱང་ཕན་སེམས་པ་ལགས། །དེ་བཞིན
352a2 འཇིག་རྟེན་སྒྲ་ཡིས་གནས་པ་ལགས། །བསམ་གཏན་དེ་བཞིན་ཏིང་ངེ་འཛིན་སྤངས་ནས། །དེ་དག་འཇིག་རྟེན་པ་ལ་སྤྱོད་པར་འགྱུར། །རྒྱས་པ་ཆེ་དང་གྲགས་པ་ཆེན་པོ་ལགས། །
352a3 རྟག་ཏུ་འཇིག་རྟེན་གྱིས་ཀྱང་མཐོང་བར་འགྱུར། །དེ་དག་བདག་གིས་ནམ་ཡང་བརྟག་མི་ནུས། །སྐྱོན་རྣམས་དམ་པོ་དག་ནི་མཐོང་ལགས་སོ། །བདག་ནི་གཅིག་པུར་མགོན་པར
352a4 གནས་པ་ན། །ལྷ་ཞིག་མཆིས་ནས་བདག་ལ་འདི་སྐད་བརྗོད། །ཆོས་དེ་འདྲ་བར་རྒྱལ་བ་རྣམས་ཀྱིས་བསྟན། །འཕགས་པའི་ཆོས་ལ་སེམས་ཅན་མང་པོ་བཏུལ། །དགེ་སློང་བསམ
352a5 གཏན་ཏིང་ངེ་འཛིན་ལ་མཁས། །རྣམ་ཐར་རྫུ་འཕྲུལ་སྟོབས་ཀྱི་ཕ་རོལ་ཕྱིན། །ཐོས་ནས་བརྒྱ་བྱིན་དགའ་བར་འགྱུར་བ་ལགས། །དེ་རིང་དེ་ལ་ངོ་མཚར་ཅི་མཆིས་སྨྲ། །ཕྱི་དུས
352a6 བདག་གི་ཐད་དུ་དེ་མཆིས་ནས། །དེ་ཚེ་ཡིད་མི་བདེ་བས་དུ་ཞིང་སྟོན། །འོད་སྲུང་དེང་ནི་བསྟན་པ་འཇིག་པར་འགྱུར། །དེ་ཐོས་བདག་ནི་ཡིད་མི་བདེ་བར་འགྱུར། །མང་དུ་འཆད་པར
352a7 ཡང་ནི་སྤྲོ་མ་ལགས། །མདོ་སྡེ་དེ་ནི་འཛིན་པར་སྤྲོ་མ་ལགས། །དེར་ནི་དེ་དག་ཞུམ་པར་འགྱུར་བ་ལགས། །དགེ་སློང་མཆོག་ཏུ་དཀའ་བློ་མི་བདེ་འགྱུར། །དེ་ཚེ་དེར་ནི་ལྷ་ཚོགས
iiif viewer powered by OpenSeadragon
