| e-texts navigator |
| Wylie |
351a1 བསྐོར་བར་འགྱུར། །དེ་ཚེ་མོས་པ་སྣ་ཚོགས་ཆོས་སྨྲ་རྣམས། །དེ་དག་ང་ཡི་སྤྱོད་ཡུལ་ཀུན་མི་ཤེས། །གང་གིས་ཀུན་མཁྱེན་སྤྱོད་ཡུལ་མི་ཤེས་པ། །དེ་དག་ཆོས
351a2 ཀྱི་ཚིག་ཉུང་སྟོན་པར་བྱེད། །དེ་དག་གི་ནི་དམིགས་པ་གང་ཡང་མེད། །མཐོང་ནས་དེ་དག་ཡིད་ལ་གནོད་པར་འགྱུར། །གང་དག་རྒྱལ་བའི་ཆོས་ཉིད་དེ་ཤེས་པ། །དེ་དག་ཡིད་ལ་ནམ་ཡང
351a3 གནོད་པ་མེད། །འདི་ལྟར་ཆོས་མཉམ་ཉིད་ཀྱི་སྤྱོད་ཡུལ་ལ། །དེ་དག་ཐམས་ཅད་རབ་ཏུ་གནས་པ་ཡིན། །གང་དག་ང་ཡི་མདུན་ན་ཐལ་སྦྱར་ཅིང་། །འཁོད་པའི་དགེ་སློང་བརྒྱད་འདི་མ
351a4 གཏོགས་པ། །བློ་གྲོས་བརྟན་པ་ཕྱི་མའི་དུས་ན་འདིར། །མདོ་སྡེ་འདི་འཛིན་སུ་ཡང་འབྱུང་མི་འགྱུར། །བློ་གྲོས་བརྟན་པ་འདི་དག་རྟག་ཏུ་ཡང་། །འདས་པའི་སངས་རྒྱས་མཚུངས་མེད
351a5 སྤྱོད་ཡུལ་ཡིན། །དེ་དག་རྟག་པར་སྔོན་དུ་འགྲོ་བར་གྱུར། །དེ་དག་ཆོས་ཀྱི་སྣོད་དུ་གྱུར་པ་ཡིན། །དེ་ཚེ་བྱང་ཆུབ་སེམས་ནི་ཡང་དག་ལེན། །སངས་རྒྱས་རྣམས་ཀྱིས་རྟག་པར་བསྔགས
351a6 པའང་ཡིན། །ཇི་ལྟར་དེ་དག་ང་ཡི་མདུན་འཁོད་པ། །དེ་བཞིན་འདས་པའི་དུས་ནའང་ངས་ཤེས་ཏེ། །དེ་དག་གངྒཱའི་ཀླུང་གི་བྱེ་སྙེད་ཀྱི། །རྒྱལ་བ་དེ་དག་རྣམས་ཀྱི་སྤྱན་སྔར་འཁོད། །དེ
351a7 ཡི་འོག་ཏུ་ལྔ་བརྒྱ་འཁོད་པ་ཡིན། །བྱང་ཆུབ་མཆོག་དེ་ངས་ཀྱང་གཟུང་བར་བྱ། །ཕྱི་དུས་རྒྱལ་བའི་ཡེ་ཤེས་དེ་དག་ཡིན། །བརྟན་པའི་བློ་གྲོས་ཁྱོད་ཀྱང་དེ་ལ་དཔའ། །གང་དག
iiif viewer powered by OpenSeadragon
