| e-texts navigator |
| Wylie |
349a1 པ་ཡི་མཆོད་པའང་བྱེད། །བསོད་ནམས་ཕུང་པོ་ཇི་སྙེད་པའང་། །བློ་གྲོས་བརྟན་པ་དེ་འཛིན་བྱེད། །སངས་རྒྱས་ཡེ་ཤེས་བསམ་མི་ཁྱབ། །ཡེ་ཤེས་དམ་པ
349a2 ཚོལ་བར་བྱེད། །གང་དག་བྱང་ཆུབ་དོན་གཉེར་བས། །ཏིང་ངེ་འཛིན་འདི་བསྒོམ་པར་བྱ། །གང་གིས་ཏིང་འཛིན་འདི་བསྒོམས་པས། །དེ་ནི་ཐོས་པས་འཕགས་པར་གྱུར། །གང་གིས
349a3 ཏིང་འཛིན་འདི་བསྒོམས་དང་། །གང་དག་སྒོམ་པར་འགྱུར་རྣམས་ཀྱི། །བསོད་ནམས་ཕུང་པོ་དེ་ལ་ནི། །ཚད་ཡོད་དོ་ཞེས་ང་མི་སྨྲ། །ཏིང་ངེ་འཛིན་འདི་བསྒོམས་པ་ཡི། །བསོད
349a4 ནམས་འདི་ནི་རབ་ཏུ་མང་། །ཤེས་པ་དེ་ནི་རྣམ་པར་འཕེལ། །སངས་རྒྱས་མཆོད་པས་དེ་ལྟ་མིན། །མེ་ཏོག་སྤོས་དང་ཕྲེང་བ་དང་། །བཟའ་བ་དག་དང་བཏུང་བ་དང་། །ཡོ་བྱད
349a5 རྣམས་ཀྱིས་བསྙེན་བཀུར་བ། །དེ་ནི་སངས་རྒྱས་བསྙེན་བཀུར་མིན། །བརྟན་པའི་བློ་གྲོས་ང་ཡིས་སུ། །བྱང་ཆུབ་སྙིང་པོར་ཆོས་གང་རྟོགས། །ཆོས་དེར་གང་དག་སྦྱོང་བྱེད
349a6 པ|་|དེ་ཡིས་སངས་རྒྱས་བསྟི་སྟང་བྱས། །གང་ཡང་ཆོས་དེ་ཚོལ་བྱེད་ཅིང་། །སངས་རྒྱས་མཐོང་བར་འདོད་བྱེད་པ། །དེ་ཡིས་མྱུར་བར་འདི་འདྲའི་ཆོས། །ཏིང་ངེ་འཛིན་འདི
349a7 བཙལ་བར་བྱ། །གང་དག་ཏིང་འཛིན་དེ་ཐོས་ནས། །དགའ་བ་བཟང་པོ་སྐྱེད་བྱེད་པ། །སངས་རྒྱས་སྟོང་ཕྲག་མང་པོ་དག་།དེ་དག་གིས་ནི་སྔོན་ཆད་ཤེས། །ཏིང་ངེ་འཛིན་གྱི་ལས
iiif viewer powered by OpenSeadragon
