| e-texts navigator |
| Wylie |
348b1 ཉན་ཐོས་རྣམས་ཀྱང་རབ་ཏུ་ཤེས། །གང་དག་སྐྱོབ་པས་འཆད་འགྱུར་བ། །དེ་དག་རྣམས་ཀྱི་མདོ་སྡེའང་ཤེས། །དེ་ཡི་སངས་རྒྱས་ཞིང་ཅི་འདྲ། །དེ་དག་གི་ནི་བཀོད་ཅི་འདྲ། །སངས་རྒྱས་མྱ་ངན
348b2 འདས་རྣམས་ཀྱི། །ཆོས་ཀྱི་ཇི་སྲིད་གནས་འགྱུར་བ། །ཏིང་ངེ་འཛིན་ལ་གནས་ནས་སུ། །དེ་དག་ཐམས་ཅད་དེ་ཡིས་ཤེས། །དེ་ལྟ་བས་ན་སུ་གང་ཞིག་།མང་ཐོས་འདོད་པས་དེ་བསྟེན་བྱ། །ཏིང་འཛིན
348b3 དེ་ནི་བསྟེན་པ་ཡིས། །དེ་ཡི་དོན་ཀྱང་ཤེས་པར་འགྱུར། །སངས་རྒྱས་ཡེ་ཤེས་འཇུག་པ་ནི། །སྒོ་དེ་ཡིན་ཞིང་བློ་གྲོས་བརྟན། །དེ་ལས་དོན་ནི་འབྱུང་བར་འགྱུར། །སངས་རྒྱས་ཡེ་ཤེས་འབྱུང་བར
348b4 འགྱུར|་|གང་གི་མཐའ་ནི་ཡོད་མིན་པའི། །བསོད་ནམས་དེ་ལས་ཐོབ་པར་འགྱུར། །དེ་ཚེ་སངས་རྒྱས་གང་འབྱུང་བ། །འཇིག་རྟེན་མགོན་པོ་མི་ཡི་མཆོག་།རྫོགས་པའི་སངས་རྒྱས་ཇི་སྙེད་པ། །
348b5 དེ་སྙེད་དེ་ཡིས་རབ་ཏུ་ཤེས། །མི་གང་བྱང་ཆུབ་རབ་ཞུགས་ནས། །སངས་རྒྱས་རེ་རེ་རེ་རེའི་ཡང་། །ཉན་ཐོས་དག་ནི་དེ་སྙེད་པ། །དེ་དག་རྣམས་ལ་མཆོད་པ་བྱེད། །སངས་རྒྱས་རེ་རེ་རེ་རེ་ལའང་།།
348b6 མཆོད་པའི་དོན་ཕྱིར་ནོར་བསགས་པ། །སྟོང་གསུམ་ལས་ནི་མི་ཉུང་བའི། །འཇིག་རྟེན་ཁམས་ནི་ཡོངས་སུ་བཀང་། །རྗེས་སུ་དཔག་པ་དེ་ཡིས་སུ། །ཉན་ཐོས་དང་ནི་རྒྱལ་བར་བཅས། །དེ་ལ
348b7 བསྐལ་པ་རྫོགས་ཚང་བར། །སངས་རྒྱས་ཀུན་ལ་རིམ་གྲོ་བྱེད། །འཇིག་རྟེན་མགོན་པོ་གྲགས་ཆེན་པོ། །གང་དག་མ་བྱོན་སངས་རྒྱས་རྣམས། །དེ་དག་ལ་ཡང་འདུ་བྱེད་འགྱུར། །དེ་འདྲ
iiif viewer powered by OpenSeadragon
