| e-texts navigator |
| Wylie |
348a1 དམིགས་བྱས་ནས། །དེ་དག་ཐམས་ཅད་རབ་ཏུ་ཤེས། །འཇིག་རྟེན་མགོན་པོ་དེ་དག་གི་།ཉན་ཐོས་བཀུར་བ་གང་བྱུང་གྱུར། །ཏིང་འཛིན་དེ་ལ་གནས་ནས
348a2 སུ|་|དེ་དག་ཐམས་ཅད་རབ་ཏུ་ཤེས། །དེ་དག་བཀོད་པ་ཅི་འདྲ་བའི། །སངས་རྒྱས་ཞིང་ནི་རབ་ཏུ་ཤེས། །གང་གིས་ཏིང་འཛིན་རྣམ་བསྒོམས་པས། །དེ་དག་གི་ནི་སྐུ་ཚེའང
348a3 ཤེས|་|ཉི་མ་གང་དག་བྱུང་གྱུར་དང་། །ཟླ་བ་བྱེད་དང་ཟླ་བ་དང་། །ལོ་ནི་ཁྱུད་ཁོར་རངས་པ་དང་། །བསྐལ་པ་དེ་ཡང་རབ་ཏུ་ཤེས། །གང་དག་ཕྱོགས་བཅུའི་འཇིག་རྟེན་ན། །རྫོགས
348a4 པའི་སངས་རྒྱས་རྐང་གཉིས་མཆོག་། དེ་དག་དེ་ཡིས་རབ་ཏུ་ཤེས། །དེ་ཡིས་ཞིང་ཀུན་ཤེས་པར་འགྱུར། །གང་དག་སྟོན་པས་འཇིག་རྟེན་མགོན། །དེ་དག་གི་ནི་མཚན་རྣམས་ཀྱང་། །
348a5 གང་གིས་ཏིང་འཛིན་བསྒོམས་པ་ཡིས། །དེ་དག་ཐམས་ཅད་རབ་ཏུ་ཤེས། །གང་དག་སྐྱོབ་པས་བཤད་པ་ཡི། །མདོ་སྡེ་དེ་དག་རབ་ཏུ་ཤེས། །ཉན་ཐོས་ཕུན་སུམ་ཚོགས་པ་དང་། །
348a6 འཇིག་རྟེན་མགོན་པོ་དེ་སྙེད་ཤེས། །གང་གིས་ཏིང་འཛིན་འདི་ཐོབ་པ། །བློ་གྲོས་བརྟན་པོར་འགྱུར་བ་ཡིན། །སངས་རྒྱས་རྣམས་ཀྱི་སྤྱོད་ཡུལ་གང་། །དེ་ཡང་དེ་ཡིས་འདིར་ཤེས་སོ། །
348a7 བསྐལ་པ་བྱེ་བར་འབྱུང་འགྱུར་བའི། །སངས་རྒྱས་གང་དག་མ་བྱོན་དང་། །མཚན་གང་གདུང་རུས་གང་ཡིན་པ། །ཐམས་ཅད་དེ་ཡིས་རབ་ཏུ་ཤེས། །དེ་དག་རྣམས་ཀྱི་ཚེ་ཚད་ཤེས། །
iiif viewer powered by OpenSeadragon
