| e-texts navigator |
| Wylie |
347b1 ཡིན། །དེ་ལས་ང་ཡི་བྱང་ཆུབ་བྱུང་། །དེ་ཕྱིར་དེ་ལ་བསྟན་པར་བྱ། །གང་དག་ང་ཡིས་སྟོབས་བཅུ་དང་། །སོ་སོ་ཡང་དག་རིག་བཞི་བཤད། །ཀུན་ཀྱང་འདི་ལས་ངེས་པར་བྱུང་། །དེ
347b2 ཕྱིར་དེ་ལ་བསྟེན་པར་བྱ། །གང་གིས་ཐོབ་ཅིང་ཅིར་འགྱུར་བའི། །ཏིང་ངེ་འཛིན་ནི་སངས་རྒྱས་བསྟན། །སྤོབས་པ་དེ་ནི་བཤད་པ་ཡིས། །ཟད་པར་འགྱུར་བ་མ་ཡིན་ནོ། །དེ་ལ་བྲི་བ་ཉིད
347b3 མེད་ཅིང་། །གང་བ་ཉིད་ཀྱང་ཡོད་མ་ཡིན། །ཀུན་ནས་སོ་སོར་རྟོགས་པས་ན། །རྒྱ་མཚོ་བཞིན་དུ་མི་འཁྲུགས་འགྱུར། །གང་གིས་དེ་ནི་ཐོབ་འགྱུར་བའི། །ཏིང་འཛིན་ང་ཡིས་བཤད
347b4 པས་ན|་|ཕྱི་ནས་འཆད་པ་སུ་ཡི་ཡང་། །བཞིན་ལ་དེ་ནི་ལྟ་མི་འགྱུར། །ལྷ་དང་ཀླུ་དང་མིའམ་ཅི། །མི་དང་མི་མ་ཡིན་རྣམས་ཀྱང་། །བཤད་པས་དེ་ཡི་གདོང་དུ་ལྟ། །མང་པོར་རྣམ
347b5 པར་ལྟ་བར་འགྱུར། །གང་དག་དེ་ཡིས་རབ་བསྟན་པ། །དེ་དག་དེ་ཡིས་གང་ནས་ཐོབ། །དེ་ལ་དེས་ནི་ཇི་ལྟར་བསླབ། །ཇི་ལྟར་ཆོས་ཀྱིས་ཁྱད་པར་འཕགས། །མདོ་སྡེ་དེ་ནི་རབ
347b6 བཤད་པས། །དེ་དག་བསམ་པ་ཤེས་པར་འགྱུར། །ཏིང་འཛིན་དེ་ལ་བསླབ་པས་ནི། །སེམས་ཅན་རྣམས་ཀྱི་སྤྱོད་པ་ཤེས། །མདོ་སྡེ་འདི་ལ་བློ་བརྟན་བྱོས། །གང་དག་ང་ཡིས
347b7 སངས་རྒྱས་བསྟན། །ཀུན་གྱི་མཚན་ནི་ཤེས་པར་འགྱུར། །དེ་དག་གི་ནི་ཆོས་ཀྱང་ཤེས། །འཇིག་རྟེན་ཁམས་སུ་མདོ་སྡེ་དག་།གང་དག་ཇི་སྙེད་བཤད་པ་རྣམས། །དེ་དག་ང་ལ
iiif viewer powered by OpenSeadragon
