| e-texts navigator |
| Wylie |
347a1 སེམས་ལ་སེམས་ཀྱི་རྗེས་སུ་བལྟ་བར་གནས་པར་བྱའི། སེམས་དང་ལྡན་པའི་རྟོག་པས་བརྟག་པར་མི་བྱ་བ་ཡིན། ཆོས་ལ་ཆོས་ཀྱི་རྗེས་སུ་བལྟ་བར
347a2 བྱའི|་ཆོས་དང་ལྡན་པའི་རྟོག་པས་བརྟག་པར་མི་བྱ་བ་ཡིན་ཏེ། བརྟན་པའི་བློ་གྲོས། ཆོས་བཞི་པོ་དེ་དག་ནི། ཏིང་ངེ་འཛིན་དེ་ཐོབ་པར་བྱ་བའི་ཕྱིར་ཐེག་པ་ཆེན་པོ་ལ་ཡང་དག
347a3 པར་ཞུགས་པ་རྣམས་ལ་ཕན་འདོགས་པར་གྱུར་པ་ཡིན་ནོ། །དེ་ལ་འདི་སྐད་ཅེས་བྱ་སྟེ། གང་དག་ང་ཡིས་རྟག་བསྔགས་པ། །དྲན་པ་ཉེར་གཞག་རྣམ་སྒོམ་བྱེད། །དགེ་སློང་གི
347a4 ནི་སྤྱོད་ཡུལ་ཏེ། །ཏིང་འཛིན་དེ་ལྟར་ཐོབ་པར་འགྱུར། །ལུས་ནི་མི་རྟག་སྒོམ་པར་བྱེད། །ལུས་ལ་ཡང་ནི་གནས་པ་མིན། །མི་གནས་པ་ཡི་སེམས་ཀྱིས་སུ། །ཏིང་འཛིན་དེ་ལྟར
347a5 ཐོབ་པར་འགྱུར། །རྫུ་འཕྲུལ་རྐང་བཞི་སོ་སོ་རིག་པ་བཞི། །ཆོས་དེ་བཙལ་བས་ཆོས་ཀྱི་སེར་སྣ་མེད། །ཚུལ་ཁྲིམས་ཕུང་པོར་གནས་ནས་བཤེས་བཟང་བསྟེན། །ཏིང་འཛིན་དེ
347a6 བཙལ་སྟོན་པའི་འདུ་ཤེས་སྒོམ། །དེ་ནི་དཀར་པོ་མང་པོའི་རིགས། །དེ་ནི་ཐོས་པའི་འབྱུང་གནས་ཡིན། །དེ་བཞིན་བདུད་ནི་སེལ་བར་བྱེད། །དེ་ལ་རབ་ཏུ་སྦྱོར་བར་བྱ། །དེ་ནི་དེ་ཡི
347a7 མིག་གི་མཆོག་། ཆོས་ཀྱི་མིག་ནི་བླ་ན་མེད། །ཆོས་བསྟན་པས་ནི་སུ་ལ་ཡང་། །དེ་ལ་སྒྲིབ་པར་འགྱུར་མ་ཡིན། །དེ་ནི་མདོ་སྡེའི་ལུང་ཡིན་ཞིང་། །མང་དུ་ཐོས་པའི་ལུང་ཡང
iiif viewer powered by OpenSeadragon
