| e-texts navigator |
| Wylie |
346a1 པ་ཡིན|་ཡུལ་ཡང་རབ་ཏུ་ཤེས་པ་ཡིན། གང་ཟག་ཀྱང་རབ་ཏུ་ཤེས་པ་ཡིན་ནོ། །སྤྱོད་པའང་རབ་ཏུ་ཤེས་པ་ཡིན་ནོ། །ཇི་ལྟར་ས་རབ་ཏུ་ཤེས་པ་ཡིན
346a2 ཞེ་ན|་གང་ཟག་དང་འཚམ་པས་ས་ཇི་ལྟ་བ་བཞིན་དུ་རབ་ཏུ་ཤེས་པའོ། །ཇི་ལྟར་གང་ཟག་རབ་ཏུ་ཤེས་པ་ཡིན་ཞེ་ན། སྤྱད་པས་གང་ཟག་ཏུ་འགྱུར་བ་ཇི་ལྟ་བ་དེ་བཞིན་དུ་རབ་ཏུ
346a3 ཤེས་པའོ། །ཇི་ལྟར་སྤྱོད་པ་རབ་ཏུ་ཤེས་པ་ཡིན་ཞེ་ན། འདོད་ཆགས་དང་། ཞེ་སྡང་དང་། གཏི་མུག་གི་སྤྱོད་པ་དང་རྗེས་སུ་མཐུན་པའི་ཆོས་བསྟན་པ་ལ་འཇུག་པ་ངེས་པར
346a4 བསྟན་པས་ནི། ཆགས་པ་རྣམ་པར་སྤོང་བ་ཉིད་ཀྱི་ཕྱིར་ཆོས་གོས་གསུམ་ལྷུར་ལེན་པ་ཡིན། རབ་ཏུ་བྱུང་བ་དང་། ཁྱིམ་བདག་དང་ལྷན་ཅིག་མ་འདྲེས་པ་ཡིན་ཞིང་། རྩོད་པ་རྣམ
346a5 པར་སྤོང་བ་དང་། ཟབ་མོ་ལ་བཟོད་པ་དང་། སྟོང་པ་ཉིད་ཀྱི་སྤྱོད་ཡུལ་བ་ཡིན་ཏེ། བརྟན་པའི་བློ་གྲོས། ཆོས་བཞི་པོ་དེ་དག་དང་ལྡན་པ་ནི། ཏིང་ངེ་འཛིན་དེ་ཐོབ་པར་འགྱུར་བའི
346a6 དགེ་བའི་བཤེས་གཉེན་དུ་རིག་པར་བྱའོ། །བརྟན་པའི་བློ་གྲོས། བྱང་ཆུབ་སེམས་དཔའ་ཁྱིམ་པ་ཆོས་བཞི་དང་ལྡན་ན། ཏིང་ངེ་འཛིན་དེ་ཐོབ་པར་བྱ་བ་དང་། ཏིང་ངེ་འཛིན་དེ
346a7 ལ་མངོན་པར་བརྩོན་པར་ནུས་ཏེ། བཞི་གང་ཞེ་ན། བརྟན་པའི་བློ་གྲོས། འདི་ལ་བྱང་ཆུབ་སེམས་དཔའ་ཁྱིམ་པས་ནི། བསླབ་པའི་གཞི་ལྔ་གཟུང་བར་བྱ་བ་ཡིན། ཟས་གཅིག་པ
iiif viewer powered by OpenSeadragon
