| e-texts navigator |
| Wylie |
520a1 པོ་ཆེ་ལས། དཀོན་མཆོག་ཏ་ལ་ལ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་རྫོགས་སོ།། །།རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙ་བ་བནྡྷེ
520a2 ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། དེ་བཞིན་གཤེགས་པའི་མཚན་བརྒྱ་རྩ་བརྒྱད་པ། འཇིག་རྟེན་ཀུན་གྱི་མགོན་གཅིག་པ། །ཐམས་ཅད་མཁྱེན་པ་ཐུབ
520a3 པ་ཆེ|་|ཡོན་ཏན་རྒྱ་མཚོ་མཐའ་ཡས་པའི། །མཚན་བརྒྱ་རྩ་བརྒྱད་ལེགས་པར་བརྗོད། །བཀྲ་ཤིས་ཀུན་གྱི་བཀྲ་ཤིས་པ། །སྡིག་པ་ཐམས་ཅད་རབ་འཇོམས་པ། །སྡུག་བསྔལ
520a4 ཐམས་ཅད་སེལ་པ་པོ། །སྟོན་པ་ལ་ནི་བདག་ཕྱག་འཚལ། །བཀྲ་ཤིས་ཐམས་ཅད་སྦྱིན་པ་པོ། །ལུས་ཅན་ཀུན་གྱི་སྐྱབས་མཛད་པ། །ཀུན་ཏུ་བདེ་བ་སྦྱིན་པ་པོ། །ཟླ་བ་བཟང་ལ་བདག
520a5 ཕྱག་འཚལ། །བཀྲ་ཤིས་ཐམས་ཅད་ཡོངས་སུ་རྫོགས། །སེམས་ཅན་ཀུན་ལ་ཐུགས་བརྩེ་བ། །སེམས་ཅན་ཀུན་གྱི་མགོན་པོ་མཆོག་།ཐམས་ཅད་མཁྱེན་ལ་བདག་ཕྱག་འཚལ། །
520a6 རིག་པ་ཐམས་ཅད་ལེགས་བསྒྲུབས་པ། །སངས་རྒྱས་ཐོགས་མེད་རྟོགས་པ་པོ། །གནོད་པ་ཐམས་ཅད་སེལ་མཛད་པ། །དོན་ཀུན་གྲུབ་ལ་ཕྱག་འཚལ་ལོ། །རྫོགས་སངས་རྒྱས་པ
520a7 འགྲོ་བའི་གཉེན། །ལྷ་ཡི་ལྷ་ལ་བསྟོད་པ་ཡི། །མཚན་བརྒྱ་རྩ་བརྒྱད་དམ་པ་འདི། །མཆོག་ཏུ་དགེ་བ་བདག་གིས་བཤད། །དོན་ཀུན་གྲུབ་པ་རྫོགས་སངས་རྒྱས། །ཤཱཀྱའི་སྐྱེས
iiif viewer powered by OpenSeadragon
