| e-texts navigator |
| Wylie |
519a1 ཁྱོད་ཀྱིས་ལེགས་བསྟན་རྗེས་སུ་ངེད་དགྱེས་ཞེས། །སངས་རྒྱས་དེ་དག་ཀུན་གྱིས་གསུང་བརྗོད་དོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ
519a2 བསྟན་པ་འདི་དག་བཀའ་སྩལ་ནས་ཅང་མི་གསུང་བར་གྱུར་ཏོ། །དེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་གང་དག་འཁོད་པའི་ལྷ་ཐམས་ཅད་དང་། མི
519a3 དང་མི་མ་ཡིན་པ་དེ་དག་ཐམས་ཅད་ཀྱིས་དེ་བཞིན་གཤེགས་པས་འདི་ལེགས་པར་བཀའ་སྩལ་ཏོ། །ཀྱེ་མ་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་བ་གཉིས་པ་འདི
519a4 མཛད་དོ། །ཆོས་བསྟན་པ་འདི་སྔོན་མ་ཐོས་སོ། །སེམས་ཅན་གང་དག་ཆོས་ཀྱི་རྣམ་གྲངས་འདི་རྙེད་པར་འགྱུར་བ་དེ་དག་ནི་ཤིན་ཏུ་དཀོན་ཏེ། སེམས་ཅན་དེ་དག་ནི་དགེ་བའི་རྩ
519a5 བ་ངན་ངོན་དང་ལྡན་པ་མ་ཡིན་ནོ། །སེམས་ཅན་དེ་དག་ནི་སངས་རྒྱས་མང་པོ་ལ་བསྙེན་བཀུར་བྱས་པ་ཡིན་ནོ། །སེམས་ཅན་དེ་དག་ནི་ལྷ་དང་བཅས་པ། བདུད་དང་བཅས་པ།
519a6 ཚངས་པ་དང་བཅས་པའི་འཇིག་རྟེན་ལ་མཆོད་རྟེན་ལྟ་བུར་འགྱུར་ཏེ། དེ་དག་ནི་བདུད་དམ། །བདུད་ཀྱི་རིས་ཀྱི་ལྷ་རྣམས་སམ། རབ་ཏུ་བྱུང་བ་རྣམས་སམ། ཁྱིམ་ན་གནས་པ་རྣམས
519a7 སམ|་དེ་བཞིན་དུ་རྒྱལ་པོ་རྣམས་སམ། བློན་པོ་ཆེན་པོ་རྣམས་སམ། ཁྱིམ་བདག་རྣམས་ཀྱིས་གཙེ་བར་མི་ནུས་སོ་ཞེས་ཅ་ཅོ་དང་། ག་ཞའི་སྒྲ་ཕྱུང་ངོ་། །དེ་ནས་བཅོམ་ལྡན
iiif viewer powered by OpenSeadragon
