| e-texts navigator |
| Wylie |
518a1 ཞུགས་པའི་ཡོན་ཏན་ཕྱུག་། རྣམ་འཕྲུལ་མཐའ་ཡས་ཅི་ཕྱིར་སྟོན་མི་བྱེད། །བག་ཙམ་སྨོས་པའི་དཔེ་ཚུལ་འདི་དག་གིས། །སྐྱེས་ཆེན་དེ་དག་རྣམས
518a2 ཀྱིས་བརྗོད་པ་བྱས། །དཔའ་བོ་དེ་དག་དཔེ་རྣམས་ཀུན་དང་བྲལ། །དེ་དག་འདི་འདྲའི་རྣམ་ཐར་དབང་སྒྱུར་རོ། །བློ་གྲོས་དམ་པ་བློ་གྲོས་རྒྱ་ཆེན་ལྡན། །མ་ནོར་བློ་གྲོས་མཐའ་ཡས་བློ
518a3 གྲོས་ཅན། །ཡེ་ཤེས་མཆོག་ལྡན་ཁྱད་པར་བློ་ཅན་གྱི། །རྣམ་ཐར་མཆོག་རྣམས་འདི་དག་རྣམས་ཀྱིས་སྤྱད། །རྣམ་ཐར་དམ་པ་འདི་དག་སུས་ཐོས་ནས། །ཡིད་ཆེས་འཛིན་ཅིང་འཇིག
518a4 རྟེན་སྒྲོག་བྱེད་པ། །དེ་དག་ངོ་མཚར་རྨད་བྱུང་ཆོས་ལྡན་དེ། །དེ་དག་དཀའ་བྱེད་མི་ཡི་འཇིག་རྟེན་ན། །འདི་འདྲ་ཆོས་འདིར་གང་དག་དད་གྱུར་པ། །སེམས་ཅན་སོ་སོའི་སྐྱེ་བོའི་ཚོགས་ན
518a5 དཀོན|་|གང་དག་དགེ་བསགས་བསོད་ནམས་བྱས་གྱུར་པ། །དེ་དག་རྒྱུ་ཡི་སྟོབས་ཀྱིས་འདི་ལ་དད། །གང་དག་ཉན་ཐོས་ཐེག་ལའང་ཡིད་ཆེས་པའི། །མི་དག་མི་ཡི་འཇིག་རྟེན་རྣམས
518a6 ན་ཉུང་། །དེ་བས་རྐྱེན་གྱི་ཐེག་པར་རབ་ཏུ་ཉུང་། །ཐེག་པ་ཆེན་པོར་དེ་དག་དེ་བས་ཉུང་། །ཐེག་པ་ཆེ་ལ་ཞུགས་པ་དེ་དཀོན་ཏེ། །གང་དག་ཆོས་འདིར་དད་པའང་རབ་དཀོན་ན། །འཇུག
518a7 ཅིང་འཛིན་པ་སྨོས་ཀྱང་ཅི་དགོས་ཏེ། །གང་དག་དེ་བཞིན་སྒྲུབ་པ་སྨོས་ཅི་དགོས། །གང་དག་སྟོང་གསུམ་རི་དང་རྒྱ་མཚོར་བཅས། །ཕྱི་མའི་བསྐལ་པར་མགོ་བོས་འདེགས་བྱེད་ཀྱང་། །
iiif viewer powered by OpenSeadragon
