| e-texts navigator |
| Wylie |
82a1 ན་སེམས་ཅན་འདི་ནི་ཐ་མལ་པ་མ་ཡིན་པས། བདག་གིས་སེམས་ཅན་མཆོག་དེ་ལྟ་བུ་ལ་མཐོ་བརྩམས་པར་གྱུར་ན་མི་རུང་གི། བྱ་བ་འདི་ལྟ་བུ་འདི་དག་དོར
82a2 གོར་མ་ཆག་སྙམ་མོ། །དེ་ནས་སྒྱུ་མ་མཁན་བཟང་པོ་སྦྲུལ་པའི་བྱ་བ་དེ་དག་འདོར་བར་བྱེད། དེ་དག་མེད་པར་བྱེད་དེ། གསང་སྔགས་དང་རིག་སྔགས་ཀྱི་སྟོབས་བསྐྱེད་པ་ཐམས་ཅད
82a3 ཀྱིས་མེད་པར་བྱེད་ཅིང་མི་སྣང་བར་བྱ་བར་བརྒལ་ཀྱང་། ཞལ་ཟས་དང་། རིམ་གྲོ་དང་། འཁོར་གྱི་ཁྱམས་ཀྱི་བཀོད་པ་དང་། སེང་གེའི་ཁྲི་ཡང་དེ་ཁོ་ན་བཞིན་དུ་སྣང་སྟེ། གསང་སྔགས
82a4 དང་རིག་སྤགས་ཀྱི་སྟོབས་བསྐྱེད་པ་ཐམས་ཅད་ཀྱིས་མེད་པར་བྱ་མ་ནུས་པ་དང་། དེ་ཤིན་ཏུ་ངོ་མཚར་དུ་གྱུར་ནས་འདི་སྙམ་དུ་སེམས་ཏེ། བདག་སྔོན་ཆད་ནི་འདོད་ན་སྒྱུ་མ་སྟོན་པར
82a5 ཡང་བྱེད། འདོད་ན་སྒྱུ་མ་མེད་པར་ཡང་བྱེད་ན་ད་ནི་དེ་བཞིན་གཤེགས་པའི་ཆེད་དུ་གནས་ཀྱི་བཀོད་པ་བྱས་པ་མེད་པར་བྱེད་མ་ནུས་སོ་སྙམ་མོ། །དེ་ནས་ལྷ་རྣམས་ཀྱི་དབང་པོ་བརྒྱ
82a6 བྱིན་གྱིས་སྒྱུ་མ་མཁན་བཟང་པོའི་སེམས་ཀྱི་རྣམ་པར་རྟོག་པ་དེ་སེམས་ཀྱིས་ཡོངས་སུ་ཤེས་ནས་སྒྱུ་མ་མཁན་བཟང་པོ་ལ་འདི་སྐད་ཅེས་སྨྲས་སོ། །བཟང་པོ། ཇི་ལྟར་ཁྱོད་ཀྱིས་དེ
82a7 བཞིན་གཤེགས་པའི་ཕྱིར་གནས་ཀྱི་བཀོད་པ་བྱས་པ་འདི་མེད་པར་བྱ་མ་ནུས་པ་དེ་བཞིན་དུ། བཟང་པོ། གང་དག་དེ་བཞིན་གཤེགས་པ་ལ་སེམས་བསྐྱེད་པ་འགའ་ཙམ་ཐོབ་པ་དེ
iiif viewer powered by OpenSeadragon
