| e-texts navigator |
| Wylie |
81b1 གྱི་ཁྱམས་ཀྱི་བཀོད་པ་ག་ལ་བ་དེར་སོང་ནས་སྒྱུ་མ་མཁན་བཟང་པོ་ལ་འདི་སྐད་ཅེས་སྨྲས་སོ། །བཟང་པོ་ཁྱོད་ཀྱིས་དེ་བཞིན་གཤེགས་པ་སང་གདུགས་ཚོད་ལ་སྤྱན་དྲངས་པ་དང་། དེ་བཞིན
81b2 གཤེགས་པས་ཡོངས་སུ་ལོངས་སྤྱད་པར་བྱ་བའི་འཁོར་གྱི་ཁྱམས་ཀྱི་བཀོད་པ་འདི་ལྟ་བུ་འདི་མངོན་པར་སྤྲུལ་པ་ནི་རྙེད་པ་ལེགས་པར་རྙེད་དོ། །བཟང་པོ། ཁོ་བོ་ཅག་ཀྱང་དེ་བཞིན་གཤེགས
81b3 པ་ལ་མཆོད་པའི་ལས་བྱ་ཞིང་བཅོམ་ལྡན་འདས་ཀྱིས་ཡོངས་སུ་ལོངས་སྤྱད་པ་དང་། ཁྱོད་ལ་བལྟ་བའི་ཕྱིར་འཁོར་གྱི་ཁྱམས་ཀྱི་བཀོད་པ་འདི་ལྟ་བུ་གཉིས་པ་ཅུང་ཞིག་སྟོན་པར་བྱེད་ན་ཁོ་བོ
81b4 ཅག་ལ་གནང་བར་གྱིས་ཤིག་། དེ་ནས་སྒྱུ་མ་མཁན་བཟང་པོ་ཤིན་ཏུ་ངོ་མཚར་དུ་གྱུར་ནས་ལྷ་རྣམས་ཀྱི་དབང་པོ་བརྒྱ་བྱིན་ལ་གནང་བ་དང་། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ
81b5 ལྡན་འདས་ཀྱིས་ཡོངས་སུ་ལོངས་སྤྱད་པར་བྱ་བའི་སུམ་ཅུ་རྩ་གསུམ་པའི་ལྷ་རྣམས་ཀྱི་ཁང་བཟང་རྣམ་པར་རྒྱལ་བྱེད་དང་། ཡོངས་འདུས་བརྟོལ་བས་ཆེས་ཁྱད་པར་དུ་འཕགས་པའི་འཁོར
81b6 གྱི་ཁྱམས་ཞིག་མངོན་པར་སྤྲུལ་ཏེ། འཁོར་གྱི་ཁྱམས་དེས་སྒྱུ་མ་མཁན་བཟང་པོའི་བཀོད་པ་དང་། རྒྱལ་པོ་ཆེན་པོ་བཞིའི་བཀོད་པ་ཡང་མོག་མོག་པོར་བྱས་པར་གྱུར་ཏོ། །དེ་ནས་སྒྱུ
81b7 མ་མཁན་བཟང་པོ་འདི་སྙམ་དུ་སེམས་ཏེ། ལྷའི་བུ་འདི་ལྟ་བུ་འདི་དག་ཀྱང་བཅོམ་ལྡན་འདས་ལ་རིམ་གྲོ་བྱ་བ་དང་། མཆོད་པའི་ལས་བྱ་བའི་ཕྱིར་མངོན་པར་བརྩོན་ཏེ་ལྷགས་པ་དང་སྦྱར
iiif viewer powered by OpenSeadragon
