| e-texts navigator |
| Wylie |
78b1 སྦྱར་ན་འདི་ནི་ཐམས་ཅད་མཁྱེན་པ་ཡང་མ་ཡིན་ལ། ཐམས་ཅད་གཟིགས་པ་དང་ལྡན་པ་ཡང་མ་ཡིན་ནོ་སྙམ་མོ། །དེ་ནས་སྒྱུ་མ་མཁན་བཟང་པོས་བཅོམ་ལྡན་འདས་ཀྱི་ཞབས་ལ་མགོ་བོས
78b2 ཕྱག་འཚལ་ནས་བཅོམ་ལྡན་འདས་ཀྱི་ཐད་ནས་སོང་ངོ་། །དེ་ནས་བཅོམ་ལྡན་འདས་ལ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །སྒྱུ་མ་མཁན་བཟང་པོས་ནི། སྒྱུ
78b3 མའི་ཟ་མ་ཏོག་གིས་དགེ་སློང་གི་དགེ་འདུན་འདི་མཐོ་འཚམ་པར་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མོའུ་དགལ་གྱི་བུ་ཁྱོད་སྙིང་ལས་ཆུང་བར་གྱིས་ཤིག་དང་།
78b4 ངས་ཡུན་རིང་པོ་ནས་སྤྱད་པ་བསྒྲུབས་པས་ན་དེ་བཞིན་གཤེགས་པ་ནི་འདིར་དུས་མཁྱེན་པ་ཡིན་ཏེ། དེ་བཞིན་གཤེགས་པ་ལ་ནི་ལྷ་དང་བཅས་པའི་འཇིག་རྟེན་གྱིས་ཀྱང་མཐོ་འཚམ་པར་མི
78b5 ནུས་སོ། །མོའུ་དགལ་གྱི་བུ། གཞན་ཡང་འདོད་ཆགས་ནི་མཐོ་འཚམ་པར་བྱེད་པ་ཡིན། ཞེ་སྡང་ནི་མཐོ་འཚམ་པར་བྱེད་པ་ཡིན། གཏི་མུག་ནི་མཐོ་འཚམ་པར་བྱེད་ན། དེ་དག་ནི
78b6 དེ་བཞིན་གཤེགས་པ་ལ་བག་ལ་ཉལ་པ་དང་བཅས་ཏེ་ཟད། བྲལ། ཡོངས་སུ་གྱུར། གཟོད་པ་མ་ནས་མ་སྐྱེས་པའི་ཆོས་ཅན་ཡིན་ཏེ། དེས་ན་དེ་བཞིན་གཤེགས་པ་ལ་ལྷ་དང་བཅས་པའི
78b7 འཇིག་རྟེན་གྱིས་ཀྱང་མཐོ་འཚམ་པར་མི་ནུས་སོ། །མོའུ་དགལ་གྱི་བུ། གཞན་ཡང་སྒྱུ་མ་མཁན་བཟང་པོའི་སྒྱུ་མ་ནི་ཕྱོགས་གཅིག་པ་ཡིན་པས་སྒྱུ་མ་ཡང་དག་པ་མ་ཡིན་གྱི། དེ་བཞིན
iiif viewer powered by OpenSeadragon
