| e-texts navigator |
| Wylie |
78a1 ཚངས་པས་ཀྱང་བལྟར་མི་མཐོང་པ། འཁོར་གྱི་ནང་ན་གསུང་དབྱངས་ཡན་ལག་དྲུག་ཅུ་དང་ལྡན་པས་ཆོས་སྟོན་པ་མཐོང་ངོ་། །མཐོང་ནས་ཀྱང་དེས་སྐུ་དེ་ལྟ་བུ
78a2 མཐོང་། གསུང་གི་ཕྲིན་ལས་དེ་ལྟ་བུ་ཐོས་ནས་སེམས་དང་བར་གྱུར་ཅིང་། དེ་འདི་སྙམ་དུ་སེམས་ཏེ། མ་ལ། བདག་གིས་འདི་ཅི་ཐམས་ཅད་མཁྱེན་ལ། ཐམས་ཅད་གཟིགས་པ་དང
78a3 ལྡན་པ་ཞིག་ཡིན་ནམ། འོན་ཏེ་མ་ཡིན་བགམ་པར་བྱ་གོར་མ་ཆག་སྙམ་མོ། །དེ་ནས་སྒྱུ་མ་མཁན་བཟང་པོས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བགམ
78a4 པའི་བསམ་པས་སང་གི་གདུགས་ཚོད་ལ་སྤྱན་འདྲེན་ཏོ་ཞེས་གསོལ་ཏོ། །འདི་སྙམ་དུ་ཡང་སེམས་ཏེ། ཅི་འདིས་བདག་གི་སེམས་ཤེས་སམ། འོན་ཏེ་མི་ཤེས་ཞིག་གུ་།གལ་ཏེ
78a5 ཤེས་ན་ནི་དེར་འོང་བར་མི་འགྱུར་རོ། །ཅི་སྟེ་མི་ཤེས་ན་ནི་དེ་ན་འོང་བར་འགྱུར་རོ་སྙམ་མོ། །དེ་ནས་བཅོམ་ལྡན་འདས་ཀྱིས་སྒྱུ་མ་མཁན་བཟང་པོ་གདུལ་བའི་དབང་དུ་ཡང་མཛད་།
78a6 རྒྱལ་པོའི་ཁབ་ཀྱི་གྲོང་ཁྱེར་ཆེན་པོའི་སྐྱེ་བོ་ཕལ་པོ་ཆེ་གདུལ་བའི་དབང་དུ་ཡང་མཛད་ནས། མཁྱེན་བཞིན་དུ་སྒྱུ་མ་མཁན་བཟང་པོ་ལ་དགེ་སློང་གི་དགེ་འདུན་དང་བཅས་ཏེ་ཅང་མི
78a7 གསུང་བས་གནད་བར་མཛད་དོ། །དེ་ནས་ཡང་སྒྱུ་མ་མཁན་བཟང་པོ་འདི་སྙམ་དུ་སེམས་ཏེ། འདི་བདག་རྣམ་པར་མཐོ་འཚམ་པའི་བསམ་པ་དང་ལྡན་པ་ལ་འདིར་ཁས་ལེན་པ་དང
iiif viewer powered by OpenSeadragon
