| e-texts navigator |
| Wylie |
77b1 བྱས|་མགོ་འཁོར་བར་བྱས་ནས་ཡ་མཚན་གྱི་ཆོས་ལ་བཀོད་དེ། བྲམ་ཟེ་དང་། ཁྱིམ་བདག་ཆེན་པོ་གང་དག་ཡིན་པ་དེ་དག་ཀྱང་བདག་གི་མིང་གིས་རབ་ཏུ་མགུ་བར་གྱུར་ན། དེ་བཞིན
77b2 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་གཅིག་པུ་ད་དུང་མ་བགམས། རྨོངས་པར་མ་བྱས། མགོ་འཁོར་བར་མ་བྱས་ཀྱི། མ་ལ། བདག་དེ་བཞིན
77b3 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ག་ལ་བ་དེར་འགྲོ་བར་བྱའོ། །སོང་ནས་ཀྱང་བག་མ་པར་བྱ་སྟེ། གལ་ཏེ་རྨོངས་པའམ། མགོ་འཁོར་བར་བྱ་ནུས་པ་ལྟ
77b4 ན|་དེ་ལྟ་ན་ཡུལ་མ་ག་དྷ་ཐམས་ཅད་བདག་ལ་གཅིག་ཏུ་འདུས། བདག་གི་རྙེད་བ་དང་བཀུར་སྟི་ཡང་ཆེས་སྟོབས་དང་ལྡན་པར་འགྱུར་རོ་སྙམ་མོ། །དེ་ནས་ཡང་སྒྱུ་མ་མཁན་བཟང་པོ
77b5 སྔོན་གྱི་དགེ་བའི་རྩ་བས་བསྐུལ་བ་དང་། སངས་རྒྱས་ཀྱི་མཐུས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ནས་བྱུང་སྟེ་བྱ་རྒོད་ཀྱི་ཕུང་པོའི་རི་ག་ལ་བ་དང་། བཅོམ་ལྡན་འདས་ག་ལ་བ་དེར་སོང
77b6 ངོ|་|སོང་ནས་ཀྱང་སྒྱུ་མ་མཁན་བཟང་པོས་དེ་བཞིན་གཤེགས་པ་ཉི་མ་བྱེ་བ་ཕྲག་འབུམ་པས་ལྷག་པའི་འོད་ཟེར་འབར་བ། ཞལ་ཟླ་བ་བྱེ་བ་ཕྲག་འབུམ་པས་ལྷག་པར་དྲི་མ་མེད་པ། སྐུ
77b7 ཤིང་ནྱ་གྲོ་དྷའི་རྒྱལ་པོ་ལྟར་ཆུ་ཞེང་གབ་པ། མཛོད་སྤུ་ནོར་བུ་དྲི་མ་མེད་པའི་འོད་དག་པ་ལྟར་གསལ་བ། སྤྱན་པདྨ་དང་། ཨུཏྤལ་སྔོན་པོ་ཁ་བྱེ་བ་ལྟ་བུའི་བཀྲག་ཡོད་པ། སྤྱི་གཙུག
iiif viewer powered by OpenSeadragon
