| e-texts navigator |
| Wylie |
50a1 པར་བྱ། ཀུན་ཆུབ་པར་བྱའོ། །ཀུན་དགའ་བོ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱི་རབ་ཏུ་གང་བ་ཙམ་ཡང་རི་མོར་བྱས་ཏེ། སློབ
50a2 དཔོན་ལ་ཕུལ་ནས་ཆོས་ཀྱི་རྣམ་གྲངས་འདི་མཉན་པར་བྱའོ། །ཀུན་ཆུབ་པར་བྱའོ། །ཀུན་དགའ་བོ། བྱང་ཆུབ་སེམས་དཔའ་གང་གིས་འདས་པའི་སངས་རྒྱས་བཅོམ་ལྡན་འདས་རྣམས་ཀྱི
50a3 མཆོད་རྟེན་རིན་པོ་ཆེ་ལས་སོ་སོར་བྱས་ཏེ་མཆོད་པ་ཐམས་ཅད་ཀྱིས་མཆོད་ལ། དེ་བཞིན་དུ་ད་ལྟར་བྱུང་བའི་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་རྣམས
50a4 ལ་ཇི་སྲིད་འཚོའི་བར་དུ་བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱེད་ཅིང་། གང་མ་འོངས་པའི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་ཀྱི་བྲན
50a5 དང་|་སློབ་མར་ཁས་བླངས་ཏེ་བསྙེན་བཀུར་བྱས་སུ་ཟིན་ཀྱང་། ཆོས་ཀྱི་རྣམ་གྲངས་འདི་མི་འཛིན། མི་འཆང་། མི་ཀློག། ཀུན་ཆུབ་པར་མི་བྱེད། འཇུག་པར་མི་བྱེད་ཅིང་། བསྒྲུབ་པ
50a6 འདི་ལ་ཡང་མི་གནས་ན། ཀུན་དགའ་བོ། བྱང་ཆུབ་སེམས་དཔའ་དེས་འདས་པ་དང་། མ་འོངས་པ་དང་། ད་ལྟར་བྱུང་བའི་དེ་བཞིན་གཤེགས་པ་རྣམས་ལ་མཆོད་པ་བྱས་པར་མི
50a7 འགྱུར་རོ། །ཀུན་དགའ་བོ། བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་ཉན་ཅིང་ཀུན་ཆུབ་པར་བྱེད་པ། དམ་པའི་ཆོས་ཡུན་རིང་དུ་གནས་པར་བྱ་བ་དང་། སངས་རྒྱས་ཀྱི
iiif viewer powered by OpenSeadragon
