| e-texts navigator |
| Wylie |
48b1 པ་བྱས་ཏེ། ཆོས་བསྒྲུབ་པའི་ཕྱིར་སེང་གེའི་སྒྲ་བསྒྲགས་པ་མཐོང་ངམ། གསོལ་པ། བཅོམ་ལྡན་འདས། མཐོང་ལགས་སོ། །བདེ་བར་གཤེགས་པ། མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ
48b2 པ|་ཀུན་དགའ་བོ། ཁྱིམ་བདག་དྲག་ཤུལ་ཅན་འདི་ནི་གང་དག་བསྐལ་པ་བཟང་པོ་འདི་ལ་འབྱུང་བའི་དེ་བཞིན་གཤེགས་པ་དེ་དག་ཐམས་ཅད་ལ་རིམ་གྲོ་བྱེད་པར་འགྱུར་རོ། །བསྟི་སྟང་དང་མཆོད་པ
48b3 ཐམས་ཅད་ཀྱིས་མཆོད་པར་འགྱུར་རོ། །དམ་པའི་ཆོས་ཀྱང་འཛིན་པར་འགྱུར་རོ། །རྟག་ཏུ་ཡང་ཁྱིམ་བདག་ཏུ་གྱུར་ནས་རབ་ཏུ་བྱུང་བའི་བསླབ་པ་ལ་གནས་སོ། །དེ་བཞིན་གཤེགས་པའི་བྱང་ཆུབ
48b4 དེ་ཡང་རྒྱས་པར་བྱེད་པར་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོས་ཁྱིམ་བདག་དྲག་ཤུལ་ཅན་ལ་འདི་སྐད་ཅེས་སྨྲས་སོ། །ཁྱིམ་བདག། རྒྱུ་གང་དང་རྐྱེན་གང་གིས་གང་ཁྱིམ་ན་གནས་ཤིང
48b5 རྡུལ་ལ་གནས་པ་ལ་དགའ་བར་བྱེད། དྲག་ཤུལ་ཅན་གྱིས་སྨྲས་པ། བཙུན་པ་ཀུན་དགའ་བོ། རྡུལ་ལ་ནི་རྡུལ་ཅུང་ཟད་མེད་དེ། སྙིང་རྗེ་ཆེན་པོ་དང་ལྡན་པས་བདག་བདེ་བ་ལ་མི་རེ་བ་ཡིན་ནོ། །
48b6 བཙུན་པ་ཀུན་དགའ་བོ། བྱང་ཆུབ་སེམས་དཔའ་ནི་སྡུག་བསྔལ་ཐམས་ཅད་ཀྱིས་གཟིར་ཀྱང་བཟོད་དེ། སེམས་ཅན་རྣམས་ཡོངས་སུ་མི་གཏོང་ངོ་། །དེ་སྐད་ཅེས་སྨྲས་པ་དང་། བཅོམ་ལྡན་འདས
48b7 ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱིམ་བདག་དྲག་ཤུལ་ཅན་འདི་ཁྱིམ་གྱི་ས་ལ་གནས་ནས་བསྐལ་པ་བཟང་པོ་འདི་ལ་སེམས་ཅན་རབ་ཏུ
iiif viewer powered by OpenSeadragon
