| e-texts navigator |
| Wylie |
45a1 སློབ་དཔོན་ལ་སློབ་དཔོན་དུ་རི་མོ་བྱ་བ་རྫོགས་པ་མ་ཡིན་ནོ། །ཁྱིམ་བདག། རྣམ་གྲངས་འདིས་ཀྱང་ཇི་ལྟར་རྣམ་པར་སྨིན་པའི་ཆོས་ཚད་མེད་ཅིང་ཡེ་ཤེས་ཁོང་དུ
45a2 ཆུད་པ་ཚད་མེད་པ་དེ་ལྟར་རིག་པར་བྱའོ། །ཁྱིམ་བདག། དེ་ལྟ་བས་ན་རྣམ་པར་སྨིན་པའི་ཆོས་ཚད་མེད་པ་དང་། ཡེ་ཤེས་ཁོང་དུ་ཆུད་པ་ཚད་མེད་པ་དྲིས་པས་བདག་གི་སློབ་དཔོན་ཡང
45a3 ཚད་མེད་དོ་སྙམ་ནས་བྱང་ཆུབ་སེམས་དཔས་ཆོས་ལ་རི་མོ་ཚད་མེད་པ་བྱའོ། །ཁྱིམ་བདག། གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བས་རབ་ཏུ་བྱུང་བའི་བསྒྲུབ་པ་ལ་གནས
45a4 པར་བྱའོ། །ཁྱིམ་བདག། ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བས་རབ་ཏུ་བྱུང་བའི་བསྒྲུབ་པ་ལ་གནས་པ་ཡིན་ཞེ་ན། ཁྱིམ་བདག། འདི་ལ་བྱང་ཆུབ་སེམས་དཔའ་རབ་ཏུ
45a5 བྱུང་བ་ཚུལ་ཁྲིམས་ཡོངས་སུ་དག་པ་ཐོས་ན་དེ་ལ་སློབ་སྟེ། བཞི་པོ་འདི་དག་ནི་ཚུལ་ཁྲིམས་ཡོངས་སུ་དག་པའོ། །བཞི་གང་ཞེ་ན། འཕགས་པའི་རིགས་རྣམས་ལ་གནས་པ་དང་།
45a6 སྦྱངས་པའི་ཡོན་ཏན་དང་ཡོ་བྱད་སྙུངས་པ་ལ་མངོན་པར་དགའ་བ་དང་། ཁྱིམ་ན་གནས་པ་དང་རབ་ཏུ་བྱུང་བ་རྣམས་དང་མི་འདྲེ་བ་དང་། ཚུལ་འཆོས་པ་མེད་པར་དགོན་པ་ལ
45a7 གནས་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ། །ཁྱིམ་བདག། གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། ལུས་བསྡམས་པས
iiif viewer powered by OpenSeadragon
