| e-texts navigator |
| Wylie |
44a1 ཀྱང་རིམ་གྲོ་བྱ་བར་བདག་གིར་མི་མཛད་ན། བདག་ཅག་མ་བསླབས་པ་སློབ་འདོད་པ་རྣམས་ལྟ་ཅི་སྨོས་ཏེ། བདག་གིས་ནི་སེམས་ཅན་ཐམས་ཅད་ལ་བསྙེན་བཀུར
44a2 བྱའི། གང་ལས་ཀྱང་བསྙེན་བཀུར་བྱ་བ་བདག་གིར་ནི་མི་བྱའོ་སྙམ་དུ་བརྟག་པར་བྱའོ། །དེ་ཅིའི་ཕྱིར་ཞེ་ན། ཁྱིམ་བདག། དགེ་སློང་བསྙེན་བཀུར་ལ་གདུ་བ་ནི་ཡོན་ཏན་གྱི་རྗེས་སུ་བཟུང་བ
44a3 ཆུད་གསོན་པ་ཡིན་ཏེ། དེས་གང་དག་སྡུད་པ་དེ་དག་ཀྱང་འདི་སྙམ་དུ་སེམས་ཏེ། བདག་ཅག་ནི་བསྙེན་བཀུར་གྱི་ཕྱིར་སྡུད་ཀྱི་ཆོས་ཀྱི་ཕྱིར་ནི་མ་ཡིན་ནོ་སྙམ་སྟེ། དེ་བདག་ཉིད་ཀྱི་དད་པ་ཆུད
44a4 གསོན་ཏོ། །གང་དག་དེ་ལ་བསྙེན་བཀུར་བྱེད་པ་འཇིག་རྟེན་གྱི་ཟང་ཟིང་དང་ལྡན་པ་དེ་དག་གི་ཡང་དོན་ཆེན་པོར་མི་འགྱུར་རོ། །འབྲས་བུ་ཆེན་པོར་མི་འགྱུར་རོ། །དེ་སློབ་དཔོན་དང་། མཁན
44a5 པོའི་ནང་དུ་འགྲོ་ན་ཡང་སློབ་དཔོན་དང་། མཁན་པོས་མ་དད་པའི་བག་གང་ཡང་རུང་བ་ཞིག་ནས་བརྟགས་ནས། བདག་ལ་ལུང་འབོག་པ་དང་། ཁ་ཏོན་བྱ་བ་དང་། རྗེས་སུ་བསྟན་པས་ཕན
44a6 འདོགས་པར་མི་འགྱུར་དུ་འོང་ཞེས་ལུས་དང་སེམས་ལས་སུ་རུང་བ་དང་། སེམས་ཅན་ཤེས་པས་འགྲོ་བར་བྱའོ། །དེས་ལུང་ནོད་པ་དང་། ཁ་ཏོན་གྱི་ཕྱིར་ལུས་དང་སྲོག་ལ་ཡང་མི་ལྟ
44a7 བར་བྱའོ། །ཆོས་འདོད་པས་སློབ་དཔོན་དང་། མཁན་པོ་རྣམས་ཀྱི་བསམ་པ་ཡོངས་སུ་རྫོགས་པར་བྱའོ། །ཡོན་ཏན་དོན་དུ་གཉེར་བས་རྙེད་པ་དང་། བཀུར་སྟི་དང་། ཚིགས་སུ་བཅད
iiif viewer powered by OpenSeadragon
