| e-texts navigator |
| Wylie |
9b1 ཤེས་རབ་ཀྱིས་ཅི་ངེས་པར་རྟོགས་ཤེ་ན། གང་ཅི་སྣང་བ་དེ་ཐམས་ཅད་ངེས་པར་རྟོགས་སོ། །གང་གིས་ངེས་པར་རྟོགས་ཤེ་ན། ཤེས་རབ་ཀྱིས་སོ། །ཤེས་རབ་ཀྱིས་ཇི་ལྟར་ངེས་པར་རྟོགས་ཤེ་ན། གང
9b2 བཏགས་པའི་མཚན་ཉིད་དེ་ཐམས་ཅད་མཚན་ཉིད་མེད་པ་དང་། མཚན་ཉིད་མེད་པ་ཡང་བཏགས་པའི་མཚན་ཉིད་དུའོ། །རབ་ཀྱི་རྩལ་གྱིས་རྣམ་པར་གནོན་པ། གང་འདི་ལྟ་བུའི་ཤེས་རབ་དང་ལྡན་པས
9b3 ངེས་པར་རྟོགས་པ་དེས་ནི། ཁམས་གསུམ་རྟོགས་སོ། །ཇི་ལྟར་རྟོགས་ཤེ་ན། ཁམས་གསུམ་ནི། ཁམས་མེད་པར་རྟོགས་ཏེ། འདི་ལ་ནི། ཁམས་རྟོགས་པ་ཅི་ཡང་མེད་དོ། །དེས་ཁམས་གསུམ་ནི།
9b4 ཁམས་མེད་པར་རྟོགས་སོ། །གང་དེ་ལྟར་ཁམས་གསུམ་ཁམས་མེད་པར་ངེས་པར་རྟོགས་པ་དང་། གང་གིས་དེ་ལྟར་ཁམས་གསུམ་ངེས་པར་རྟོགས་པ་དེ་ནི། ངེས་པར་རྟོགས་པའི་ཤེས་རབ་དང
9b5 ལྡན་པ་ཞེས་བྱའོ། །ཇི་ལྟར་ན། ངེས་པར་རྟོགས་པའི་ཤེས་རབ་དང་ལྡན་ཞེ་ན། ངེས་པར་རྟོགས་པར་བྱ་བ་ནི། མི་དགེ་བ་གང་ཡང་མེད་དེ། དེས་ཐམས་ཅད་དགེ་བར་ངེས་པར་རྟོགས་ཏེ། དེ་ངེས
9b6 པར་རྟོགས་པའི་ཤེས་རབ་ཀྱིས་རབ་ཏུ་འདའོ། །དེ་དེ་ལྟར་རྟོགས་པའི་ཤེས་རབ་དང་ལྡན་པས། གང་ཅི་མཐོང་བ་དང་། ཐོས་པ་དང་། བསྣམས་པ་དང་། མྱངས་པ་དང་། རིག་པ་དང་། རྣམ་པར
9b7 ཤེས་པ་དེ་དག་ཐམས་ཅད་ངེས་པར་རྟོགས་སོ། །ཇི་ལྟ་བུར་རྟོགས་ཤེ་ན། མི་རྟག་པ་དང་། སྡུག་བསྔལ་བ་དང་། འབྲས་དང་། ནད་དང་། ཟུག་རྔུ་དང་། སྟོང་པ་ཉིད་དང་། སྡིག་པ་དང་། གནོད་པ
iiif viewer powered by OpenSeadragon
