| e-texts navigator |
| Wylie |
9a1 པ་ཞེས་བྱ་སྟེ། འཇིག་རྟེན་ལས་འདས་པའི་ཤེས་རབ་ཅེས་ཇི་སྐད་དུ་བརྗོད་པ་བཞིན་དུ་མ་ཡིན་ནོ། །དེ་ཅིའི་ཕྱིར་ཞེ་ན། འཇིག་རྟེན་ལས་འདས་པ་ནི། བརྗོད་པར་བྱ་བ
9a2 མ་ཡིན་གྱི། དེ་ནི། བརྒལ་བ་སྟེ། དེ་ལ་ནི། འདའ་བར་བྱ་བ་ཅི་ཡང་མེད་པས། དེའི་ཕྱིར་འཇིག་རྟེན་ལས་འདས་པའི་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལ་གང་ངེས
9a3 པར་རྟོགས་པའི་ཤེས་རབ་དེས་ཅི་ངེས་པར་རྟོགས། འདི་ལ་ནི། ངེས་པར་རྟོགས་པར་བྱ་བ་ཅི་ཡང་མེད་དོ། །གལ་ཏེ་ངེས་པར་རྟོགས་པར་བྱ་བ་འགའ་ཞིག་ཡོད་དུ་ཟིན་ན་ནི། འདི་ཤེས་རབ་ཀྱིས
9a4 ངེས་པར་རྟོགས་པ་ཞེས་གདགས་ན། གང་གིས་ཀྱང་མི་རྟོགས་ཤིང་། ཀུན་རྟོགས་པ་མ་ཡིན་ལ། གང་གིས་རྟོགས་པར་འགྱུར་བའི་བྱེ་བྲག་གང་ཡང་མི་དམིགས་སོ། །ངེས་པར་རྟོགས་པ
9a5 ཞེས་བྱ་བ་ནི། འདི་ལ་རྟོགས་པར་བྱེད་པ་ཅི་ཡང་མེད་ཅིང་ཀུན་ཏུ་རྟོགས་པར་བྱ་བ་ཡང་མེད་དེ། དེ་ལ་རྟོགས་པར་བྱེད་པ་ཅི་ཡང་མེད་ཅིང་ཀུན་ཏུ་རྟོགས་པར་བྱ་བ་ཡང་མེད་པས། དེའི་ཕྱིར་ངེས་པར
9a6 རྟོགས་པ་ཞེས་བྱའོ། །འདི་ལ་ནི། གང་ཡང་མཐར་འགྲོ་བ་མེད་ཅིང་དབུས་སུ་ཡང་མ་ཡིན་ཏེ། དེའི་ཕྱིར་ངེས་པར་རྟོགས་པ་ཞེས་བྱའོ། །ངེས་པར་རྟོགས་པའི་ཤེས་རབ་ཀྱིས་རྟོགས་པ་ནི། སྟེང་མ
9a7 རྟོགས་ཏེ། གང་དུ་ཡང་མི་རྒྱུག་།རྣམ་པར་མི་རྒྱུག་ལ། ཀུན་ཏུ་མི་རྒྱུག་སྟེ། དེའི་ཕྱིར་ངེས་པར་རྟོགས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ངེས་པར་རྟོགས་ཞེས་བྱ་བའི
iiif viewer powered by OpenSeadragon
