| e-texts navigator |
| Wylie |
8b1 རབ་ཀྱི་རྩལ་གྱིས་རྣམ་པར་གནོན་པ། གང་འདི་ལྟར་མངོན་པར་རྟོགས་པ་མངོན་སུམ་དུ་བྱེད་པ་དེ་ནི། འཇིག་རྟེན་ལས་འདས་པའི་ཤེས་རབ་ཅེས་བྱ་སྟེ། འཇིག་རྟེན་ལས་འདས་པའི་ཤེས་རབ་ཅེས་ཇི་སྐད་དུ
8b2 བརྗོད་པ་བཞིན་དུ་ནི་མ་ཡིན་ནོ། །དེ་ཅིའི་ཕྱིར་ཞེ་ན། འཇིག་རྟེན་ཉིད་ཀྱང་མི་དམིགས་ན། འཇིག་རྟེན་ལས་འདས་པའི་ཤེས་རབ་ལྟ་ག་ལ་ཡོད་དེ། འཇིག་རྟེན་ལས་འདས་པའི་ཤེས་རབ་ཀྱིས་གང་འཇིག
8b3 རྟེན་ལས་སྒྲོལ་བར་འགྱུར་བ་ལྟ་ཅི་སྨོས། དེ་ཅིའི་ཕྱིར་ཞེ་ན། དེས་འཇིག་རྟེན་མི་དམིགས་པས་ཅི་ཡང་སྒྲོལ་བར་མི་བྱེད་དེ། དེའི་ཕྱིར་འཇིག་རྟེན་ལས་འདས་པའི་ཤེས་རབ་ཅེས་བྱའོ། །རབ་ཀྱི་རྩལ་གྱིས
8b4 རྣམ་པར་གནོན་པ། འཇིག་རྟེན་ཞེས་བྱ་བ་འདི་ནི། བཏགས་པ་ཞེས་བརྗོད་པ་སྟེ། བཏགས་པ་ནི། འཇིག་རྟེན་ལས་ཡང་དག་པར་འདས་པ་མ་ཡིན་གྱི། བཏགས་པ་ཐམས་ཅད་ལས་ཡང་དག་པར
8b5 འདས་པ་ནི། འཇིག་རྟེན་ལས་འདས་པ་ཞེས་བྱའོ། །འདའ་བར་བྱ་བ་ནི། འཇིག་རྟེན་ལས་འདས་པ་མ་ཡིན་གྱི། འདའ་བར་མི་བྱ་བ་ནི། འཇིག་རྟེན་ལས་འདས་པའོ། །དེ་ཅིའི་ཕྱིར་ཞེ་ན། དེ་ལ་གང
8b6 འདའ་བར་བྱ་བའམ། གང་གིས་འདའ་བར་བྱ་བའི་ཆོས་ཕྲ་རབ་ཙམ་ཡང་མེད་པས་དེའི་ཕྱིར་འདས་པ་ཞེས་བྱ་སྟེ། འཇིག་རྟེན་ལས་འདས་པ་ལ་ནི། འཇིག་རྟེན་ཡང་མེད། འཇིག་རྟེན་ལས་འདས
8b7 པ་ཡང་མེད་དོ། །བླ་ན་མེད་པ་ལ་ནི། བསྒྲལ་བ་མེད་དེ། དེའི་ཕྱིར་འཇིག་རྟེན་ལས་འདས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། འཇིག་རྟེན་ལས་འདས་པའི་ཤེས་རབ་བསྟན
iiif viewer powered by OpenSeadragon
