| e-texts navigator |
| Wylie |
8a1 ཡེ་ཤེས་ཀྱིས་ཡེ་ཤེས་ཞེས་བྱའོ། །ཡེ་ཤེས་ཀྱིས་མི་ཤེས་པ་ཞེས་མི་བྱའོ། །མི་ཤེས་པས་ཡེ་ཤེས་ཞེས་བྱའོ། །དེ་ལ་ཡེ་ཤེས་དེ་ནི། འདིའོ། །ཡེ་ཤེས་དེ་ནི། འདིའི
8a2 འོ|་|ཡེ་ཤེས་དེ་ནི། འདིས་སོ། །ཡེ་ཤེས་དེ་ནི། འདིའི་ཕྱིར་རོ། །ཞེས་ཡེ་ཤེས་ཅུང་ཟད་ཀྱང་བསྟན་པར་མི་ནུས་ཏེ། དེའི་ཕྱིར་ཡེ་ཤེས་དེ་ནི། ཡེ་ཤེས་ཉིད་ཀྱིས་མེད་དོ། །ཡེ་ཤེས་ཀྱང་ཡེ་ཤེས
8a3 སུ་མི་གནས་ཏེ། མི་ཤེས་པས་ཀྱང་ཡེ་ཤེས་ཞེས་མི་བྱའོ། །གལ་ཏེ་མི་ཤེས་པས་ཡེ་ཤེས་ཞེས་བྱ་ན་ནི། དེའི་ཕྱིར་བྱིས་པ་སོ་སོའི་སྐྱེ་བོ་ཐམས་ཅད་ཀྱང་ཡེ་ཤེས་ཅན་དུ་འགྱུར་རོ། །གང་ཡེ
8a4 ཤེས་དང་མི་ཤེས་པ་མི་དམིགས་ཤིང་ཡེ་ཤེས་དང་མི་ཤེས་པ་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ་དེ་ཉིད་ཡེ་ཤེས་ཞེས་བྱ་སྟེ། ཡེ་ཤེས་ནི། ཇི་སྐད་དུ་བརྗོད་པ་དེ་བཞིན་དུ་མ་ཡིན
8a5 ནོ|་|དེ་བས་ན། ཡེ་ཤེས་ནི། བརྗོད་པར་བྱ་བ་མ་ཡིན་ཞིང་། ཡུལ་ཐམས་ཅད་ལས་རབ་ཏུ་འདས་པ་སྟེ། ཡེ་ཤེས་ནི། གང་གི་ཡུལ་ཡང་མ་ཡིན་ནོ། །ཡེ་ཤེས་ཀྱི་ཡུལ་ཡང་གང་ཡང་མ
8a6 ཡིན་ནོ|་|རབ་ཀྱི་རྩལ་གྱིས་རྣམ་པར་གནོན་པ། ཡེ་ཤེས་བསྟན་པའི་ཡུལ་ཡང་མ་ཡིན། ཕྱོགས་ཀྱང་མ་ཡིན་པ་འདི་གང་གིས་ཤེས་པ་དེ་ནི། ཡེ་ཤེས་ཅན་ནམ། ཡེ་ཤེས་ཅན་མ
8a7 ཡིན་པ་ཞེས་བྱ་བའི་གྲངས་སུ་མི་འགྲོའོ། །རབ་ཀྱི་རྩལ་གྱིས་རྣམ་པར་གནོན་པ། གང་འདི་ལྟར་རབ་ཏུ་ཤེས་པ་དང་། རྗེས་སུ་རྟོགས་པ་དང་། ཀུན་ཏུ་ཤེས་པ་དེ་ནི། ཤེས་རབ་ཅེས་བྱའོ། །
iiif viewer powered by OpenSeadragon
