| e-texts navigator |
| Wylie |
89a1 ཐམས་ཅད་ནི། དངོས་པོ་མེད་པ་སྟེ། རང་བཞིན་མེད་པའི་ཕྱིར་དངོས་པོ་མི་དམིགས་སོ། །རབ་ཀྱི་རྩལ་གྱིས་རྣམ་པར་གནོན་པ། དངོས་པོ་མེད་པ་ཞེས་བྱ་བ་ནི། ཡང
89a2 དག་པ་མ་ཡིན་ཞིང་མ་བྱུང་བ་སྟེ། དེའི་ཕྱིར་དངོས་པོ་མེད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དངོས་པོ་མེད་པ་ཞེས་བྱ་བ་འདི་ནི། མེད་པ་ཡོངས་སུ་བསྟན་པའོ། །གང་ལ
89a3 དངོས་པོ་མེད་པ་དེ་ལ་སྒོམ་པའང་མེད། མི་སྒོམ་པའང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། སེམས་ཅན་རྣམས་ནི། ཕྱིན་ཅི་ལོག་ལས་བྱུང་བས་སྒོམ་པར་ཡང་བྱེད། མི་སྒོམ
89a4 པར་ཡང་བྱེད་དེ། དེ་ལ་ནི། དངོས་པོ་ཅི་ཡང་མེད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི། དངོས་པོ་མེད་པའི་ཕྱིར་དངོས་པོ་མེད་པའི་རང་བཞིན
89a5 ཏེ|་དངོས་པོ་དང་བྲལ་བས་དེ་ལ་ནི། བསྒོམ་པར་བྱ་བ་ཅི་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། གང་གི་ཚེ་བྱང་ཆུབ་སེམས་དཔའ་ཆོས་འདི་དག་ལ་ཆོས་ཀྱི་རྗེས་སུ་ལྟ་ཞིང་གནས
89a6 ཏེ|་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་ཆོས་གང་ལ་ཡང་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྒོམ་པ་ཞེས་བྱའོ། །རབ
89a7 ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་ཅིང་དེ་ལྟར་གནས་ན། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྒོམ་པ་ཡོངས་སུ་རྫོགས་པར་འགྱུར་རོ། །རབ་ཀྱི་རྩལ
iiif viewer powered by OpenSeadragon
