| e-texts navigator |
| Wylie |
84b1 པ་འདི་ལྟ་བུ་དག་ནི། སེམས་ཅན་རྣམས་ཀྱི་ཕྱིན་ཅི་ལོག་གི་སེམས་ལས་བྱུང་བར་མཐོང་ནས་ཕྱིན་ཅི་ལོག་གང་ལ་ཡང་སེམས་མི་བསྐྱེད་དོ། །དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ནི།
84b2 སེམས་དང་བྲལ་བའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། གང་སེམས་རང་བཞིན་གྱིས་འོད་གསལ་བ་དང་། རང་བཞིན་གྱིས་ཡོངས་སུ་དག་པ་དེ་ལ་སེམས་བསྐྱེད་པ་གང་ཡང
84b3 མེད་དོ|་|རབ་ཀྱི་རྩལ་གྱིས་རྣམ་པར་གནོན་པ། དམིགས་པ་ཡོད་པས་བྱིས་པ་སོ་སོའི་སྐྱེ་བོ་རྣམས་སེམས་བསྐྱེད་དོ། །དེ་ལ་བྱང་ཆུབ་སེམས་དཔས་དམིགས་པ་ཡང་རབ་ཏུ་ཤེས་ཤིང
84b4 སེམས་གང་ནས་སྐྱེ་ཞེས་སེམས་སྐྱེ་བ་ཡང་རབ་ཏུ་ཤེས་པས་དེ་འདི་སྙམ་དུ། སེམས་འདི་ནི། རང་བཞིན་གྱིས་འོད་གསལ་བའོ། །ཞེས་རྟོག་ཅིང་། དེ་འདི་སྙམ་དུ་སེམས་ཏེ། དམིགས
84b5 པ་ལ་བརྟེན་ནས་སེམས་སྐྱེའོ། །སྙམ་མོ། །དེས་དམིགས་པ་ཡོངས་སུ་ཤེས་པས་སེམས་མི་སྐྱེ་མི་འགོག་པ་སྟེ། དེའི་སེམས་དེ་འོད་གསལ་བ་དང་། ཀུན་ནས་ཉོན་མོངས་པ་ཅན་མ་ཡིན
84b6 པར་ཡིད་དུ་འོང་བ་དང་། ཡོངས་སུ་དག་པ་ཡིན་ནོ། །དེ་སེམས་མི་སྐྱེ་བ་ལ་གནས་པས་ཆོས་གང་ཡང་མི་སྐྱེད་མི་འགོག་གོ། རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཤེས་རབ་ཀྱི
84b7 ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའི་སེམས་སྐྱེ་བ་ཡོངས་སུ་ཤེས་པ་སྟེ། གང་འདི་ལྟར་སྤྱོད་པའི་བྱང་ཆུབ་སེམས་དཔའ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །
iiif viewer powered by OpenSeadragon
