| e-texts navigator |
| Wylie |
81a1 པ་དང་། སྲེད་པར་གཏོགས་པའི་ཕྱིར་རོ། །བདག་གིས་སྤྱད་པར་བྱའོ། །ཞེས་བྱ་བ་དེ་ནི། གཡོས་པའོ། །འདིར་སྤྱད་པར་བྱའོ། །ཞེས་བྱ་བ་དེ་ནི། སྤྲོས་པའོ། །འདིས་སྤྱོད་དོ། །ཞེས
81a2 བྱ་བ་དེ་ནི། སྲེད་པར་གཏོགས་པའོ། །འདི་ལ་སྤྱད་པར་བྱའོ། །ཞེས་བྱ་བ་དེ་ནི། རློམ་སེམས་སོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལ་བྱང་ཆུབ་སེམས་དཔའ་དག་ནི། དེ་དག་ཐམས་ཅད་རློམ
81a3 སེམས་དང་། གཡོས་པ་དང་། སྤྲོས་པ་དང་། སྲེད་པར་གཏོགས་པ་ཤེས་ནས་མི་ཤེས་པ་ཐམས་ཅད་ཡང་དག་པར་གཞོམ་པའི་ཕྱིར་ཅི་ལ་ཡང་རློམ་སེམས་སུ་མི་བྱེད་དོ། །རློམ་སེམས་སུ་མི་བྱེད
81a4 པས་གང་ལ་ཡང་མི་སྦྱོར་རོ། །དེ་དག་གནས་མེད་ཅིང་འདུ་བ་ཡང་མེད། འབྲལ་བ་ཡང་མེད་པས་ཅིར་ཡང་ལྡང་བར་མི་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། བྱང་ཆུབ་སེམས
81a5 དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་རློམ་སེམས་ཐམས་ཅད་ཡང་དག་པར་འཇོམས་པའོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བྱང་ཆུབ་སེམས་དཔའ
81a6 ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ་ནི། གཟུགས་ལ་རྟག་ཅེས་སམ། མི་རྟག་ཅེས་མི་སྤྱོད་དོ། །གཟུགས་ལ་སྟོང་ཞེས་སམ་མི་སྟོང་ཞེས་མི་སྤྱོད་དོ། །གཟུགས་ལ་སྒྱུ་མ་ལྟ་བུ་ཞེས་མི་སྤྱོད
81a7 དོ། །གཟུགས་ལ་རྨི་ལམ་ལྟ་བུ་ཞེས་མི་སྤྱོད་དོ། །གཟུགས་ལ་མིག་ཡོར་ལྟ་བུ་ཞེས་མི་སྤྱོད་དོ། །གཟུགས་ལ་བྲག་ཅ་ལྟ་བུ་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས
iiif viewer powered by OpenSeadragon
