| e-texts navigator |
| Wylie |
80b1 གཞན་ཡང་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་ཀྱི་ཀུན་འབྱུང་བ་ལ་མི་སྤྱོད། གཟུགས་ཀྱི་འགོག་པ་ལ་མི་སྤྱོད། གཟུགས་ལ་ཟབ་ཅེས་མི་སྤྱོད། གཟུགས
80b2 ལ་མི་ཟབ་ཅེས་མི་སྤྱོད། གཟུགས་ལ་སྟོང་ཞེས་མི་སྤྱོད། གཟུགས་ལ་མི་སྟོང་ཞེས་མི་སྤྱོད། གཟུགས་ལ་མཚན་མ་ཞེས་མི་སྤྱོད། གཟུགས་ལ་མཚན་མ་མེད་པ་ཞེས་མི་སྤྱོད། གཟུགས་ལ་སྨོན
80b3 པ་ཞེས་མི་སྤྱོད། གཟུགས་ལ་སྨོན་པ་མེད་པ་ཞེས་མི་སྤྱོད། གཟུགས་ལ་མངོན་པར་འདུ་བྱེད་པ་ཞེས་མི་སྤྱོད། གཟུགས་ལ་མངོན་པར་འདུ་མི་བྱེད་པ་ཞེས་མི་སྤྱོད་དོ། །དེ་བཞིན་དུ་ཚོར་བ་དང་།
80b4 འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ཀུན་འབྱུང་བ་ལ་མི་སྤྱོད། རྣམ་པར་ཤེས་པའི་འགོག་པ་ལ་མི་སྤྱོད། རྣམ་པར་ཤེས་པ་ལ་ཟབ་ཅེས་མི་སྤྱོད། རྣམ་པར་ཤེས་པ
80b5 ལ་མི་ཟབ་ཅེས་མི་སྤྱོད། རྣམ་པར་ཤེས་པ་ལ་སྟོང་ཞེས་མི་སྤྱོད། རྣམ་པར་ཤེས་པ་ལ་མི་སྟོང་ཞེས་བྱ་བར་མི་སྤྱོད། རྣམ་པར་ཤེས་པ་ལ་མཚན་མ་ཞེས་མི་སྤྱོད། རྣམ་པར་ཤེས་པ་ལ་མཚན
80b6 མ་མེད་པ་ཞེས་མི་སྤྱོད། རྣམ་པར་ཤེས་པ་ལ་སྨོན་པ་ཞེས་མི་སྤྱོད། རྣམ་པར་ཤེས་པ་ལ་སྨོན་པ་མེད་པ་ཞེས་མི་སྤྱོད། རྣམ་པར་ཤེས་པ་ལ་མངོན་པར་འདུ་བྱེད་པ་ཞེས་མི་སྤྱོད། རྣམ་པར
80b7 ཤེས་པ་ལ་མངོན་པར་འདུ་མི་བྱེད་པ་ཞེས་མི་སྤྱོད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། འདི་དག་ཐམས་ཅད་ནི། རློམ་སེམས་སུ་གྱུར་པ་དང་། གཡོས་པ་དང་། སྤྲོས
iiif viewer powered by OpenSeadragon
