| e-texts navigator |
| Wylie |
80a1 སྤྱོད|་རྣམ་པར་མི་སྤྱོད་དོ། །རྣམ་པར་ཤེས་པའི་དམིགས་པ་ལ་མི་སྤྱོད། རྣམ་པར་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི།
80a2 ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་དེ་ལྟར་སྤྱོད་པའི་བྱང་ཆུབ་སེམས་དཔའ་ནི། གཟུགས་ལ་འདས་པ་ཞེས་མི་སྤྱོད། གཟུགས་ལ་མ་འོངས
80a3 པ་ཞེས་མི་སྤྱོད། གཟུགས་ལ་ད་ལྟར་བྱུང་བ་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་འདས་པ་དང་། མ་འོངས་པ་དང་། ད་ལྟར་བྱུང
80a4 བ་ཞེས་མི་སྤྱོད་དོ། །གཟུགས་ལ་བདག་ཅེས་མི་སྤྱོད། གཟུགས་ལ་བདག་གི་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདག་ཅེས
80a5 མི་སྤྱོད། རྣམ་པར་ཤེས་པ་ལ་བདག་གི་ཞེས་མི་སྤྱོད་དོ། །གཟུགས་ལ་སྡུག་བསྔལ་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྡུག
80a6 བསྔལ་ཞེས་མི་སྤྱོད་དོ། །གཟུགས་ལ་བདག་གི་དང་། གཞན་གྱི་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདག་གི་དང་། གཞན
80a7 གྱི་ཞེས་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ།
iiif viewer powered by OpenSeadragon
