| e-texts navigator |
| Wylie |
7b1 ཅད་ཀུན་ཏུ་རིག་པ་སྟེ། དེའི་ཕྱིར་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ཀུན་ཏུ་རིག་པ་གང་ཞེ་ན། ཆོས་འདི་དག་ཐམས་ཅད་ནི། རྣམ་པ་གཞན་ན། ཆོས་ཐམས་ཅད་རྣམ
7b2 པ་གཞན་དུ་བརྗོད་དེ། ཆོས་ཐམས་ཅད་ནི། བརྗོད་པ་ལས་རྣམ་པར་གྲོལ་བ་མ་ཡིན་ནོ། །གང་ཆོས་ཐམས་ཅད་ཀུན་ཏུ་ཤེས་པ་དང་། གང་ཆོས་ཐམས་ཅད་ཀུན་ཏུ་རིག་པ་དེ་ཡང་ཚིག་གིས་བརྗོད་པར་མི་ནུས
7b3 མོད་ཀྱི|་འོན་ཀྱང་ཇི་ལྟར་སེམས་ཅན་རྣམས་ཀྱིས་ཤེས་པར་འགྱུར་བ་དེ་ལྟར་ཤེས་རབ་ཅེས་བྱའོ། །འདི་ནི། བཏགས་པ་ཞེས་བྱ་སྟེ། དེའི་ཕྱིར་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ།
7b4 ཆོས་ཐམས་ཅད་ནི། གདགས་སུ་མེད། གཟུང་དུ་མེད། བཤད་དུ་མེད། སྣང་བ་མེད། དེ་ལྟ་བུར་ཀུན་ཏུ་རིག་པ་དེ་ནི། ཀུན་ཏུ་རིག་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཅེས་བྱ
7b5 བ་དེ་ནི|་ཀུན་ཤེས་པའང་མ་ཡིན། ཀུན་མི་ཤེས་པའང་མ་ཡིན། དེ་ལས་ཀྱང་མ་ཡིན། དེ་ལས་མ་ཡིན་པ་ཡང་མ་ཡིན་ཏེ། དེའི་ཕྱིར་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་དེ་ནི། མི
7b6 ཤེས་པའི་སྤྱོད་ཡུལ་ཡང་མ་ཡིན། ཡེ་ཤེས་ཀྱི་སྤྱོད་ཡུལ་ཡང་མ་ཡིན། མི་ཤེས་པའི་ཡུལ་ཡང་མ་ཡིན། ཡེ་ཤེས་ཀྱི་ཡུལ་ཡང་མ་ཡིན་ཏེ། ཡེ་ཤེས་ནི། ཡུལ་མེད་པའོ། །གལ་ཏེ་ཡེ་ཤེས་ལ་ཡུལ
7b7 ཡོད་དུ་ཟིན་ན། མི་ཤེས་པར་འགྱུར་རོ། །ཡེ་ཤེས་ནི། མི་ཤེས་པ་ལས་མ་ཡིན། མི་ཤེས་པའང་ཡེ་ཤེས་ལས་མ་ཡིན། ཡེ་ཤེས་ནི། མི་ཤེས་པ་མ་ཡིན། ཡེ་ཤེས་པ་ཡང་ཡེ་ཤེས་མ་ཡིན་ཏེ།
iiif viewer powered by OpenSeadragon
