| e-texts navigator |
| Wylie |
73b1 ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའི་མིང་དང་གཟུགས་ཀྱི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ
73b2 ཡིན་ནོ། །དེ་ཅིའི་ཕྱིར་ཞེ་ན། དེས་དམིགས་པ་ཐམས་ཅད་དམིགས་སུ་མེད་པའི་རྣམ་པར་མཐོང་བའི་ཕྱིར་རོ། །གང་གིས་དམིགས་པ་ཐམས་ཅད་དམིགས་པ་མེད་པར་ཁོང་དུ་ཆུད་པ་དེ་ནི།
73b3 དམིགས་པ་གང་ལ་ཡང་མི་སྤྱོད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་སེམས་དཔའ
73b4 ཆེན་པོ་དག་། སེམས་ཅན་དང་། བདག་གི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་སེམས་ཅན་དུ་འདུ་ཤེས་པ་དང་། བདག
73b5 ཏུ་འདུ་ཤེས་པ་དེ་ཡང་དག་པར་མ་ཡིན་པར་ཤེས་པའི་ཕྱིར་རོ། །གང་གིས་སེམས་ཅན་དུ་འདུ་ཤེས་པ་དང་། བདག་ཏུ་འདུ་ཤེས་པ་ཡང་དག་པ་མ་ཡིན་པར་ཤེས་པ་དེ། སྤྱོད་པ་གང་ཡང་མི་སྤྱོད
73b6 དོ|་|གང་སྤྱད་པ་གང་ལ་ཡང་མི་སྤྱོད་པ་དེ། སྤྱོད་པ་མེད་པ་སྟེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས
73b7 དཔའ་སྲོག་ཏུ་འདུ་ཤེས་པ་དང་། གསོ་བ་དང་། སྐྱེས་བུ་དང་། གང་ཟག་དང་། ཤེད་ལས་སྐྱེས་དང་། ཤེད་བུ་དང་། སློང་བ་པོ་དང་། ཀུན་ནས་སློང་བ་པོ་དང་། བྱེད་དུ་འཇུག་པ་དང་། ཚོར་བ་པོ
iiif viewer powered by OpenSeadragon
