| e-texts navigator |
| Wylie |
71b1 ཏེ|་རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ནི། མཐའ་དང་། མཐའ་མེད་པ་ལ་མི་སྤྱོད་དོ། །གང་མཐའ་དང་། མཐའ་མེད་པ་ལ་མི་སྤྱོད་པ་དེས་ནི། དབུས་ཡང་དག་པར་རྗེས
71b2 སུ་མི་མཐོང་ངོ་། །རང་ཀྱི་རྩལ་གྱིས་རྣམ་པར་གནོན་པ། དབུས་ཡང་དག་པར་རྗེས་སུ་མཐོང་ཞིང་དབུས་ལ་སྤྱོད་ན་ནི། མཐའ་ཉིད་ལ་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དབུས
71b3 ལ་ནི|་སྤྱོད་པ་བསྟན་པའམ། ངེས་པར་བསྟན་པ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དབུས་ཞེས་བྱ་བ་དེ་ནི། འཕགས་པའི་ལམ་ཡན་ལག་བརྒྱད་པའི་ཚིག་བླ་དྭགས
71b4 སོ|་|རབ་ཀྱི་རྩལ་གྱིས་རྣམ་པར་གནོན་པ། འཕགས་པའི་ལམ་ཡན་ལག་བརྒྱད་པ་ནི། ཆོས་གང་དམིགས་པ་དང་། ཆོས་གང་མཐོང་བའི་ཕྱིར་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས
71b5 རྣམ་པར་གནོན་པ། ནམ་ཆོས་གང་ལ་ཡང་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པ་དེའི་ཚེ་ལམ་གྱི་རྒྱུན་བཅད་ཅེས་བྱའོ། །དེ་ཆོས་ཐམས་ཅད་ལ་སྒོམ་པར་ཡང་མི་བྱེད། མི་སྒོམ་པར
71b6 ཡང་མི་བྱེད་པས། སྒོམ་པ་ལས་ཡང་དག་པར་འདས་ནས་ཆོས་མཉམ་པ་ཉིད་རྙེད་དེ། ཆོས་མཉམ་པ་ཉིད་དེས་ལམ་གྱི་འདུ་ཤེས་ཀྱང་མི་འབྱུང་ན། ལམ་མཐོང་བར་ལྟ་ག་ལ་འགྱུར། རབ་ཀྱི
71b7 རྩལ་གྱིས་རྣམ་པར་གནོན་པ། ལམ་གྱི་རྒྱུན་བཅད་ཅེས་བྱ་བ་དེ་ནི། དགེ་སློང་ཟག་པ་ཟད་པ་དགྲ་བཅོམ་པའི་ཚིག་བླ་དྭགས་སོ། །དེ་ཅིའི་ཕྱིར་ཞེ་ན། དེས་བསྒོམས་པ་ཡང་མེད་ཅིང་བསྒོམས་པ
iiif viewer powered by OpenSeadragon
