| e-texts navigator |
| Wylie |
6a1 མཁས་པའི་སེམས་ཅན་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སླད་དུ་བཅོམ་ལྡན་འདས། བདག་དེ་བཞིན་གཤེགས་པ་ལ་ཞུ་ལགས
6a2 སོ|་|བཅོམ་ལྡན་འདས། སེམས་ཅན་གང་དག་སངས་རྒྱས་ཀྱི་ཡེ་ཤེས་ལ་ཡང་རློམ་སེམས་སུ་མི་བགྱིད་ཅིང་མངོན་པར་མི་ཞེན་ལ་ཆགས་པར་མི་གནས་ཤིང་། རློམ་སེམས་ཐམས་ཅད
6a3 ལས་ཡང་དག་པར་འདས་པའི་ལམ་ལ་གནས་པ། ལམ་དུ་ཞུགས་པ། ལམ་སྟོན་པའི་སེམས་ཅན་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་སླད་དུ་བཅོམ་ལྡན
6a4 འདས|་བདག་དེ་བཞིན་གཤེགས་པ་ལ་ཞུ་ལགས་སོ། །བཅོམ་ལྡན་འདས། བདག་ནི། སེམས་ཅན་ཐམས་ཅད་ལ་བདེ་བ་དང་། ལྟག་ན་མ་མཆིས་པའི་བདེ་བ་དང་། བླ་ན་མ་མཆིས་པའི་བདེ་བ
6a5 དང་། མྱ་ངན་ལས་འདས་པའི་བདེ་བ་དང་། སངས་རྒྱས་ཀྱི་བདེ་བ་དང་། འདུས་མ་བགྱིས་པའི་བདེ་བ་ཉེ་བར་སྒྲུབ་པར་འཚལ་ཏེ། བདག་སེམས་ཅན་ཐམས་ཅད་ཀྱི་དོན་དང་། སྨན་པ་དང་། བདེ
6a6 བ་དང་། གྲུབ་པ་དང་། བདེ་བའི་སླད་དུ་དེ་བཞིན་གཤེགས་པ་ལ་ཞུ་ལགས་སོ། །བཅོམ་ལྡན་འདས། བདག་ནི། ཐེ་ཚོམ་མ་མཆིས་པར་འཚལ་ཞིང་། ཐེ་ཚོམ་མ་མཆིས་ནས་ཀྱང་སེམས
6a7 ཅན་རྣམས་ཀྱི་ཐེ་ཚོམ་རབ་ཏུ་སྤང་བའི་སླད་དུ་ཆོས་བཤད་པར་འཚལ་ཏེ། བཅོམ་ལྡན་འདས། བདག་སེམས་ཅན་ཐམས་ཅད་ཀྱི་ཐེ་ཚོམ་བསལ་བའི་སླད་དུ་བཅོམ་ལྡན་འདས་ལ་ཞུ་ལགས་སོ། །
iiif viewer powered by OpenSeadragon
