| e-texts navigator |
| Wylie |
67b1 ཏིའི་བུ|་ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་ངེས་པར་བསྟན་པར་ཉེ་བར་འགྲོ་བ་མ་ཡིན་ནོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ངེས་པར་བསྟན
67b2 པར་ཉེ་བར་འགྲོ་བ་མ་ཡིན། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ངེས་པར་བསྟན་པར་ཉེ་བར་འགྲོ་བ་མ་ཡིན་ནོ། །ཁམས་རྣམས་ངེས་པར་བསྟན་པར་ཉེ་བར་འགྲོ་བ་མ
67b3 ཡིན|་རྟེན་ཅིང་འབྲེལ་བར་འབྱུང་བ་ངེས་པར་བསྟན་པར་ཉེ་བར་འགྲོ་བ་མ་ཡིན། རིག་པ་དང་། རྣམ་པར་གྲོལ་བ་ངེས་པར་བསྟན་པར་ཉེ་བར་འགྲོ་བ་མ་ཡིན་ནོ། །ཚེ་དང་ལྡན་པ་ཤཱ་རདྭ་ཏིའི་བུ།
67b4 གང་འཇིག་རྟེན་ལས་འདས་པའི་ཤེས་རབ་ངེས་པར་འབྱེད་པར་འགྲོ་བ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ངེས་པར་བསྟན་པར་ཉེ་བར་མི་འགྲོའོ། །ཤཱ་རིའི་བུ། འདི་ལྟ་སྟེ། ཆོས་གང་ངེས་པར
67b5 བསྟན་པར་ཡང་ཉེ་བར་མི་འགྲོ་བའི་ཆོས་དེ་ཇི་ལྟར་བརྗོད་ཅིང་ངེས་པར་བསྟན་པར་འགྱུར། ཚེ་དང་ལྡན་པ་ཤཱ་རདྭ་ཏིའི་བུ། གང་དག་ཆོས་རྣམས་ཀྱི་ཚུལ་དེ་ལྟར་རབ་ཏུ་ཤེས་པ་དེ་དག་གིས་ཤེས
67b6 རབ་ཀྱི་ཕ་རོལ་ཏུ་ཕྱིན་པ་བསྟན་པར་རབ་ཏུ་ཤེས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་བསྟན་པ་དང་། ངེས་པར་བསྟན་པར་ཡང་ཉེ་བར་གནས་པ
67b7 མ་ཡིན་ནོ། །ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན་ནོ། །ཚོར་བ་དང་། འདུ་ཤེས་དང་། འདུ
iiif viewer powered by OpenSeadragon
