| e-texts navigator |
| Wylie |
65b1 བམ་པོ་བཞི་པ། དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། སྟོན་པ་ཡང་འདི་ན་མངོན་སུམ་དུ་གྱུར། འཁོར་འདི་ཡང་ཆོས་ཟབ
65b2 མོ་བསྟན་པའི་སྣོད་དུ་གྱུར་ཏེ། ཚེ་དང་ལྡན་པ་རབ་འབྱོར། འཁོར་འདི་ནི། དག་ཅིང་ཟབ་མོའི་ཆོས་ཐོས་པར་འདོད་ན། ཁྱོད་ཅིའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩམས་ཏེ་སྤོབས་པར་མི
65b3 བྱེད་པར་ཅང་མི་སྨྲ་བར་འདུག་། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུ་།ཁོ་བོས་ནི། གང་ལ་བརྩམས་ཏེ་སྤོབས་པར་བྱ་བའི
65b4 ཆོས་དེ་ཡང་དག་པར་རྗེས་སུ་མི་མཐོང་ངོ་། །ཚེ་དང་ལྡན་པ་ཤཱ་རིའི་བུ། ཁོ་བོས་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་རྗེས་སུ་མི་མཐོང་། བྱང་ཆུབ་སེམས་དཔའ་དང་། སྤོབས་པ་དང་།
65b5 གང་སྤོབས་པར་འགྱུར་བ་དང་། གང་གིས་སྤོབས་པར་འགྱུར་བ་དང་། གང་ལས་སྤོབས་པར་འགྱུར་བ་ཡང་མི་མཐོང་སྟེ། ཚེ་དང་ལྡན་པ་ཤཱ་རིའི་བུ། ཁོ་བོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན
65b6 པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དང་། གང་སྤོབས་པར་འགྱུར་བ་དང་། གང་གིས་སྤོབས་པར་འགྱུར་བ་དང་། གང་ལས་སྤོབས་པར་འགྱུར་བ་དང་། གང་ལ་སྤོབས་པར
65b7 འགྱུར་བ་མི་མཐོང་ན། ཇི་སྐད་དུ་བསྟན་པར་བྱ། ཁོ་བོས་གང་ལ་བརྩམས་ཏེ་སྤོབས་བར་བྱ། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཐ་སྙད་མེད་པ། སྨྲར་མེད་པ། བརྗོད་དུ་མེད
iiif viewer powered by OpenSeadragon
