| e-texts navigator |
| Wylie |
65a1 ལེ་ལོ་དང་། འབྲི་བ་ལ་བརྟེན་པར་མི་འགྱུར་ཏེ། དེའི་ཕྱིར་ལྡོག་པའི་འཇིགས་པ་མེད་པར་འགྱུར་རོ། །དེ་ལྷོད་པར་ཡང་མི་འགྱུར་རོ། །དེ་ཅིའི་ཕྱིར་ཞེ་ན། ཤཱ་རིའི་བུ། དེ
65a2 ནི|་ཀུན་ནས་ཉོན་མོངས་པ་དང་། རྣམ་པར་བྱང་བ་ཡོངས་སུ་ཤེས་པ་ཡིན་ནོ། །དེའི་ཆོས་ཐམས་ཅད་ནི། ཕྱིན་ཅི་ལོག་ལས་བྱུང་སྟེ། ཡང་དག་པ་མ་ཡིན་པའོ། །ཞེས་ཡང་དག་པ་ཇི་ལྟ
65a3 བ་བཞིན་དུ་མཐོང་བ་ཡིན་ནོ། །དེ་ལྟར་ཡང་དག་པ་མཐོང་བ་དེ་ནི། བཟོད་པ་ཕུན་སུམ་ཚོགས་པ་ཡིན་ནོ། །དེས་པ་དང་། ཚིག་ཉུང་བ་དང་། ཚུལ་ཁྲིམས་རྣམ་པར་དག་པ་ལ་གནས་པ
65a4 དང་། ཆོ་ག་དང་། སྤྱོད་ཡུལ་དང་། སྤྱོད་པ་དང་། སྡོམ་པ་ཕུན་སུམ་ཚོགས་པ་ཡིན་ཏེ། ཤཱ་རིའི་བུ། སེམས་ཅན་དེ་ལྟ་བུ་ལ་ལྷ་རྣམས་ཀྱང་མོས་པར་འགྱུར་ན། མི་རྣམས་ལྟ་ཅི་སྨོས།
65a5 སེམས་ཅན་དེ་ལྟ་བུ་ལ་ལྷ་རྣམས་ཀྱང་དགའ་བར་འགྱུར་ན། མི་རྣམས་ལྟ་ཅི་སྨོས། དེ་དག་གི་ནང་དུ་ལྷ་རྣམས་ཀྱང་འགྲོ་བར་འགྱུར་ན། མི་རྣམས་ལྟ་ཅི་སྨོས། དེ་དག་ལ་ལྷ་རྣམས་ཀྱིས་ཀྱང
65a6 བཀུར་སྟི་བྱ་བར་འོས་པ་ཡིན་ན། མི་རྣམས་ལྟ་ཅི་སྨོས། དེ་དག་ལ་ལྷ་རྣམས་ཀྱང་སྲུང་བར་འགྱུར་ན། མི་རྣམས་ལྟ་ཅི་སྨོས། དེ་བཞིན་དུ་ཀླུ་དང་། གནོད་སྦྱིན་དང་། སྲིན་པོ་དང་། ནམ
65a7 མཁའ་ལྡིང་དང་། དྲི་ཟ་རྣམས་ཀྱང་དེ་དག་ལ་སྲུང་བར་འགྱུར། དེ་དག་ལ་བསྲུང་བ་དང་། བསྐྱབ་པ་དང་། སྦེད་པའི་ཕྱིར་འབད་པར་འགྱུར་རོ། །དཔེའི་ལེའུ་ཞེས་བྱ་སྟེ། བཞི་པའོ།། །།
iiif viewer powered by OpenSeadragon
