| e-texts navigator |
| Wylie |
63a1 བ་དེ་ནི|་ཆོས་ཐམས་ཅད་ཡུལ་མེད་པའོ། །དེ་ནི། ཡང་དག་པ་ཇི་ལྟ་བ་ཉིད་དང་། ཇི་ལྟ་བ་བཞིན་པའོ། །མེད་པའི་ཕྱིར་ཆོས་ཐམས་ཅད་ཡུལ་མེད་དེ། ཆོས་རྣམས
63a2 དེ་ལྟར་ཡོངས་སུ་ཤེས་པ་དེ་ནི། ཡུལ་དང་། སྤྱོད་ཡུལ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །གང་ཆོས་རྣམས་དེ་ལྟར་ཡོངས་སུ་ཤེས་པ་ནི། གང་ལ་ཡང་ཆགས་པ
63a3 མེད་དེ|་ཆགས་པ་མེད་པའི་མཚན་ཉིད་ཅེས་བྱའོ། །དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཆགས་པ་མེད་པའི་མཚན་ཉིད་ཅེས་བྱའོ། །ཤཱ་རིའི་བུ། འདི་ལྟ་བུའི་ཆོས་འདི་ལ་གྲོགས
63a4 མང་དུ་མི་རྙེད་དོ། །འདི་ལྟ་བུའི་ཆོས་འཆད་པ་དང་། ཡང་དག་པར་རབ་ཏུ་སྟོན་པ་དང་། རྣམ་པར་འབྱེད་པ་གང་ཡིན་པ་དེ་ནི། དེ་བཞིན་གཤེགས་པའི་ཡེ་ཤེས་ཀྱི་ཡུལ་བསྟན་པའོ།།
63a5 ཤཱ་རིའི་བུ། ཆོས་འདི་ལ་ནི། བདེན་པ་མཐོང་བའི་ཉན་ཐོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ། ལྟ་བ་ཕུན་སུམ་ཚོགས་པའི་གང་ཟག་ཕྱིར་མི་ལྡོག་པ
63a6 རྣམས་མ་གཏོགས་པར་གྲོགས་གཞན་གང་ཡང་མེད་དེ། ལྟ་བ་ཕུན་སུམ་ཚོགས་པ་ཆོས་འདི་ལ་སྤྱོད་པ་དེ་དག་ཀྱང་ཐེ་ཚོམ་དུ་འགྱུར་རོ། །ཤཱ་རིའི་བུ། བྱང་ཆུབ་སེམས་དཔའ་ཐེ་ཚོམ་མེད
63a7 པ|་ལུས་མངོན་སུམ་དུ་གྱུར་པ་རྣམས་ཆོས་འདི་ལ་བཟོད་པ་ཐོབ་པར་འགྱུར་གྱི། ཤཱ་རིའི་བུ། བྱིས་པ་སོ་སོའི་སྐྱེ་བོ་རྣམས་ནི། མ་ཡིན་ནོ། །ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན
iiif viewer powered by OpenSeadragon
