| e-texts navigator |
| Wylie |
62b1 མ་ཡིན་པ་དེ། ཡང་དག་པ་ཡོངས་སུ་གྲུབ་པའམ། མཚན་ཉིད་མེད་དོ། །ཤཱ་རིའི་བུ། གང་དེ་ལྟར་ཤེས་པ་དེ་ནི། རྣམ་པར་བྱང་བ་ཞེས་བྱའོ། །ཀུན་ནས་ཉོན་མོངས་པ་ཉིད་ཀྱང་མཚན་ཉིད
62b2 མེད་ན|་རྣམ་པར་བྱང་བ་ལྟ་ཅི་སྨོས། ཤཱ་རིའི་བུ། འདི་ལྟ་སྟེ། ཀུན་ནས་ཉོན་མོངས་པའམ། རྣམ་པར་བྱང་བའི་ཆོས་འདི་གཉིས་ནི། མཚན་ཉིད་མེད་ཅིང་ཡོངས་སུ་མ་གྲུབ་པའོ། །ཤཱ་རིའི
62b3 བུ|་ཆོས་ཐམས་ཅད་ནི། མཚན་ཉིད་མེད་ཅིང་ཡོངས་སུ་མ་གྲུབ་པ་སྟེ། དེ་ནི། ཆགས་པ་མེད་པ་ཞེས་བྱའོ། །ཆོས་ཐམས་ཅད་ཆགས་པ་མེད་པའི་མཚན་ཉིད་ཅེས་བྱ་བ་ནི། ཆོས་ཐམས
62b4 ཅད་ཆགས་པ་མེད་པ་ཡིན་ན། ཤཱ་རིའི་བུ། བྱིས་པ་སོ་སོའི་སྐྱེ་བོ་ཐམས་ཅད་ནི། ཆགས་པ་མེད་པ་ལ་ཆགས་སོ། །ཤཱ་རིའི་བུ། འདི་ནི། ཆོས་ཐམས་ཅད་ཆགས་པ་མེད་པའི་མཚན་ཉིད
62b5 དེ|་ཡེ་ཤེས་ཀྱི་སྤྱོད་ཡུལ་ཞེས་བསྟན་ཏོ། །ཤཱ་རིའི་བུ། འདི་ནི། ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་ཡུལ་ལོ། །ཆགས་པ་མེད་པའི་མཚན་ཉིད་ཡེ་ཤེས་ཀྱི་སྤྱོད་ཡུལ་ནི། ཤེས་རབ་ཀྱི་ཕ
62b6 རོལ་ཏུ་ཕྱིན་པ་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་ཡུལ་མཐའ་ཡས་ཞེས་བྱའོ། །གང་ཆགས་པ་མེད་པ་དེའི་ཡུལ་དང་། སྤྱོད་ཡུལ་མཐའ་ཡས་སོ། །ཤཱ་རིའི་བུ། སྤྱོད་ཡུལ
62b7 ཞེས་བྱ་བ་དེ་ནི། སྤྱོད་ཡུལ་མེད་པའི་ཚིག་བླ་དྭགས་སོ། །ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། སྤྱོད་ཡུལ་བསྟན་པའི་མཚན་ཉིད་ཀྱིས་ཕྱེ་བ་མ་ཡིན་ནོ། །ཤཱ་རིའི་བུ། ཡུལ་ཞེས་བྱ
iiif viewer powered by OpenSeadragon
