| e-texts navigator |
| Wylie |
61b1 གོ། ཤཱ་རིའི་བུ། ཆགས་པ་མེད་པ་ལ་ནི། མཚན་ཉིད་མེད་ཅིང་མཚན་མ་མེད་དེ། དེ་ཉིད་མཚན་ཉིད་མེད་པར་བསྟན་ཏོ། །ཤཱ་རིའི་བུ། ཆགས་པ་མེད་པ་ཞེས་བྱ་བ་དེ་ནི། ཆགས་པ་ཡོངས་སུ་ཤེས
61b2 པའོ|་|དེ་ནི། ཆགས་པ་མི་དམིགས་སོ། །དེ་ནི། ཆགས་པའི་ཡང་དག་པ་ཇི་ལྟ་བ་བཞིན་ནོ། །དེ་ནི། ཆགས་པའི་ཕྱིན་ཅི་མ་ལོག་པ་ཡོངས་སུ་ཤེས་པའོ། །ཤཱ་རིའི་བུ། ཆགས་པ་ལ་ཆགས
61b3 པ་མེད་དེ། དེའི་ཕྱིར་ཆགས་པའི་ཡང་དག་པ་ཇི་ལྟ་བ་ཉིད་དང་། ཆགས་པ་མི་དམིགས་པ་ནི། ཆགས་པ་མེད་པ་ཞེས་བྱའོ། །ཤཱ་རིའི་བུ། ཡེ་ཤེས་བསྟན་པས། ཤེས་རབ་ཀྱི་ཕ་རོལ་ཏུ་ཕྱིན་པ
61b4 འདི་ཆགས་པ་མེད་པའི་མཚན་ཉིད་དོ། །ཤཱ་རིའི་བུ། ཆོས་ཐམས་ཅད་ནི། ཆགས་པ་མེད་པའི་མཚན་ཉིད་དེ། ཆོས་གང་གི་མཚན་ཉིད་གང་ཡིན་པ་དེ་མཚན་ཉིད་མེད་པ་སྟེ། ཆོས་གང་ཡང
61b5 མཚན་ཉིད་མངོན་པར་འགྲུབ་པའི་ཕྱིར་ཉེ་བར་གནས་པ་མ་ཡིན་ནོ། །གང་ལ་མཚན་ཉིད་མེད་པ་དེ་ནི། མཚན་ཉིད་མེད་པ་ཞེས་བྱའོ། །གང་མཚན་ཉིད་མེད་པ་དེ་ལ་ཆགས་པ་མེད་དོ། །གལ་ཏེ
61b6 ཆོས་ཀྱི་དབྱིངས་མཚན་ཉིད་ཅིག་ཡོད་ན་ནི། ཆོས་ཐམས་ཅད་ལ་ཆགས་པར་ཡང་འགྱུར་ན། གང་གི་ཕྱིར་ཆོས་ཐམས་ཅད་ལ་མཚན་ཉིད་མེད་པ་དེའི་ཕྱིར་དེ་དག་ལ་ཆགས་པ་མེད་དེ། དེས
61b7 ན|་ཆོས་ཐམས་ཅད་ཆགས་པ་མེད་པའི་མཚན་ཉིད་ཅེས་བྱ་སྟེ། ཇི་སྐད་དུ་བརྗོད་པ་དེ་བཞིན་དུ་ནི་མ་ཡིན་ནོ། །གང་ཆགས་པ་མེད་པའི་མཚན་ཉིད་དེ་ནི། བརྗོད་པར་མི་ནུས་སོ། །དེ་ཅིའི་ཕྱིར
iiif viewer powered by OpenSeadragon
