| e-texts navigator |
| Wylie |
60b1 ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་། སྤྱོད་ཡུལ་ནི། མཐའ་ཡས་སོ། །ཤཱ་རིའི་བུ། འདི་ལྟ་སྟེ། དཔེར་ན། རླུང་གི་ཁམས་ཀྱི་ཡུལ་དང་། སྤྱོད་ཡུལ་ནི། མཐའ་ཡས་སོ། །
60b2 དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་། སྤྱོད་ཡུལ་ཡང་མཐའ་ཡས་སོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའ་ནི། རླུང་གི་ཁམས་ཀྱི་ཡུལ་དང་། སྤྱོད་ཡུལ་ལོ།།
60b3 དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་། སྤྱོད་ཡུལ་ནི། ནམ་མཁའོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའི་ཁམས་ཀྱི་ཡུལ་དང་། སྤྱོད་ཡུལ་ནི། མཐའ་ཡས
60b4 སོ|་|དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་། སྤྱོད་ཡུལ་ཡང་མཐའ་ཡས་སོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའི་ཁམས་དང་། རླུང་གི་ཁམས་ནི། གང་ན
60b5 ཡང་མི་སྣང་ཞིང་ཆོས་གང་མངོན་པར་གྲུབ་པའི་མཚན་ཉིད་དུ་ཡང་ཉེ་བར་གནས་པ་མ་ཡིན་ནོ། །ཤཱ་རིའི་བུ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་ལ་ཡང་མི་སྣང་ཞིང་ཆོས
60b6 གང་མངོན་པར་གྲུབ་པའི་མཚན་ཉིད་དུ་ཡང་ཉེ་བར་གནས་པ་མ་ཡིན་ནོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའི་ཁམས་དང་། རླུང་གི་ཁམས་ནི། གཟུང་དུ་མེད་ཅིང་ཡོངས་སུ་མ
60b7 གྲུབ་པས། ཁ་དག་གི་མཚན་མའི་གྲངས་སུ་མི་འགྲོའོ། །ཤཱ་རིའི་བུ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་གཟུང་དུ་མེད་ཅིང་ཡོངས་སུ་མ་གྲུབ་པས། ཁ་དོག་དང་མཚན་མ་གང
iiif viewer powered by OpenSeadragon
