| e-texts navigator |
| Wylie |
59b1 གང་དག་གི་རྣ་ལམ་དུ་ཐོས་པར་འགྱུར་བ་དང་། ཐོས་ནས་ཀློག་པ་དང་། མོས་པ་དང་། དགའ་བ་དང་། ཡིད་བདེ་བ་ཆེན་པོ་བསྐྱེད་པ་དང་། ཕྱིར་ཞིང་ཉན་པའི་ཕྱིར་ཆོས་འདི་ལ་འདུན་པ་བསྐྱེད་པའི
59b2 སེམས་ཅན་དེ་དག་ཀྱང་འཁོར་བ་ཆེན་པོར་ཞུགས་པར་ངས་མ་བཤད་ན། ལུང་ནོད་པ་དང་། ཁ་ཏོན་བྱེད་པ་དང་། གཞན་ལ་སྟོན་པ་ལྟ་ཅི་སྨོས། ཤཱ་རིའི་བུ། ཉན་ཐོས་དང་། རང་སངས་རྒྱས
59b3 ཀྱི་ཐེག་པ་ལ་ངེས་པར་མ་ཞུགས་ཤིང་མ་ངེས་པ་ནི། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཤཱ་རིའི་བུ། ཆོས་ཀྱི་མཆོག་འདི་ལ་ཆོས་ཆུང་དུ་དང་ལྡན
59b4 པའི་སེམས་ཅན་རྣམས་ཀྱི་གོ་སྐབས་ངས་མ་མཐོང་ངོ་། །ཤཱ་རིའི་བུ། སངས་རྒྱས་ཀྱི་བྱང་ཆུབ་འདི་ནི། རྒྱ་ཆེ་ན། སེམས་ཅན་ནི། ཕལ་ཆེར་དམན་པ་ལ་མོས་ཤིང་ཆོས་ཆུང་ངུ་དང
59b5 ལྡན་ཏེ། འདི་ལྟ་བུའི་ཆོས་ཟབ་མོ་ཆགས་པ་མེད་པ་ལ་དགེ་བར་མ་བྱས་ཤིང་མི་མཁས་སོ། །ཤཱ་རིའི་བུ། འདི་ནི། སེམས་ཅན་གང་དག་རྒྱ་ཆེ་ཞིང་ཆོས་རྒྱ་ཆེན་པོ་ལ་མོས་པ། ཐེག་པ
59b6 ཆེན་པོ་ལ་ཡང་དག་པར་ཞུགས་པ། དགོས་པ་ཤིན་ཏུ་ཡོངས་སུ་རྙེད་པ། གོ་ཆ་ཆེན་པོ་ཤིན་ཏུ་བགོས་པ། དོན་ལེགས་པར་རྣམ་པར་རྟོགས་པ། ལམ་ཆེན་པོ་དྲང་ཞིང་ཉམ་ང་བ་མེད་པ། ཚང
59b7 ཚིང་མེད་པ། མཉམ་པ། སྨྱིག་མ་དང་ཚེར་མ་མེད་པ། ངམ་གྲོག་དང་གཡང་ས་མེད་པ། གཙང་བ། གནོད་པ་མེད་པ། གྱ་གྱུ་མེད་པ། ཡོན་པོ་མེད་པར་ཞུགས་པ་དང་། ཤཱ་རིའི་བུ། གང
iiif viewer powered by OpenSeadragon
